চিৰাং, ৫ নৱেম্বৰ: চিৰাং জিলাৰ কাজলগাঁৱৰ আলাইখুংগ্ৰী উদ্যানত ২০১০ চনতে স্থাপিত কৰা হৈছিল ড০ ভূপেন হাজৰিকা মুকলি মঞ্চ আৰু উদ্যান। মুখ্য়মন্ত্ৰীৰ নিৰ্দেশত নিৰ্মাণ কৰা এই উদ্য়ানখনৰ আধাৰশিলা স্থাপন কৰিছিল মন্ত্ৰী চন্দন ব্ৰহ্মই।
কিন্তু জিলা প্ৰশাসনৰ অৱহেলাত এতিয়া জৰাজীৰ্ণ ৰূপ লৈছে উদ্যানখনে। জংঘলেৰে আগুৰি ধৰিছে। চৰণীয়া পথাৰ সদৃশ ৰূপ লৈছে উদ্যানখনে।
সুধাকণ্ঠৰ ভগ্ন মূৰ্তি আজি পৰ্যন্ত মেৰামতি নকৰিলে প্ৰশাসনে। অন্য দিনৰ কথা বাদেই আজি ড০ ভূপেন হাজৰিকাৰ নৱম মৃত্যুবাৰ্ষিকীতো উদ্যানখনত নিমাওমাও পৰিৱেশে বিৰাজ কৰিছে ।
সুধাকণ্ঠৰ মৃত্যুবাৰ্ষিকীতো উপেক্ষিত ভুপেন হাজৰিকা মুকলি মঞ্চ আৰু উদ্যান
এগচি বন্তি প্ৰজ্বলন কৰি সুধাকণ্ঠক শ্ৰদ্ধাঞ্জলিও জ্ঞাপন কৰাৰ প্ৰয়োজনীয়তা অনুভৱ নকৰিলে প্ৰশাসনে। ড০ ভূপেন হাজৰিকাৰ নামত উদ্যান স্থাপন কৰিয়েই দায়িত্ব সামৰিলে চৰকাৰে।
