চিৰাং, 23 জানুৱাৰী: বঙাইগাঁৱৰ সদৰ চহৰ পাগলাস্থানত আজি সংঘটিত হয় এটা শোকাৱহ দুৰ্ঘটনা ৷ উজনি মুৱা ৰে'লৰ খুন্দাত থিতাতে নিহত হয় এজন লোকৰ। নিহত লোক জনক এতিয়ালৈকে চিনাক্ত কৰিব পৰা নাই ।
উল্লেখ্য যে, আজি দিনৰ ১১.৪৫ বজাত বঙাইগাঁৱৰ সদৰ চহৰ পাগলাস্থানত উজনিমুৱা মালবাহি ৰে'ল এখনে এজন লোকক খুন্দিওৱাৰ ফলত থিতাতে নিহত হয় লোকজন ৷ উক্ত ঘটনাটোৰ খবৰ স্থানীয় ৰাইজে বঙাইগাঁও ৰে'ল আৰক্ষীক অৱগত কৰে ৷ ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰে যদিও এতিয়ালৈকে মৃত লোকজনৰ পৰিচয় উদ্ধাৰ কৰিবলৈ সক্ষম হোৱা নাই আৰক্ষীয়ে ৷ ইফালে মৃতদেহটো মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰিছে আৰক্ষীয়ে।
লগতে পঢ়ক-গহপুৰৰ বালিজানত পথ দুৰ্ঘটনাত নিহত দুগৰাকী বেংক কৰ্মচাৰী
