সোণাৰি, 6 ছেপ্টেম্বৰ: "দিল্লীত মোৰ এজনী বান্ধৱী থাকে ৷ মই তালৈ যাম বুলি কওঁতে ইহতেঁও মোৰ লগত যাম বুলি ক’লে ৷ মই ইহঁতক যাবলৈ মানা কৰাৰ পিছতো যাম বুলি কৈছিল সেইকাৰণে লৈ আহিছিলো ৷ তাত থকা মোৰ বান্ধৱীগৰাকীৰ মাতৃ মানসিকভাৱে বিকাৰগ্ৰস্ত ৷ সেইবাবে ইহঁতে তাত কাম কৰিম বুলি কৈছিল ৷" তিনি কিশোৰীক দিল্লীলৈ নিবলৈ যো-জা চলোৱা যুৱতীৰ অকপট স্বীকাৰোক্তি (3 minor girl rescued)৷
ৰাজ্যত বিভিন্ন সময়ত বহিঃৰাজ্যলৈ অসমৰ যুৱতী সৰবৰাহ কৰা ঘটনাই বাতৰিৰ শিৰোনাম দখল কৰাৰ সময়তে এইবাৰ পোহৰলৈ আহিছে অন্য এক ঘটনা (Human trafficking case in Assam) ৷ তিনি কিশোৰীক ৰে’লেৰে দিল্লীলৈ কাম দিম বুলি লৈ যোৱাৰ পথতেই সোণাৰিৰ ভজো আৰক্ষীয়ে সন্দেহযুক্ত এগৰাকী যুৱতীক আটক কৰিবলৈ সক্ষম হয় (3 minor and 1 girl arrested)৷
আৰক্ষীয়ে জানিবলৈ দিয়া মতে ইয়াৰে ডিব্ৰুগড় জিলাৰ ৰাজগড়ৰ যুৱতী গৰাকীয়ে আন তিনিগৰাকী যুৱতীক দিল্লীলৈ নিয়াৰ পৰিকল্পনা কৰোতেই আটক কৰিলে ৰে’ল আৰক্ষীয়ে ৷ জানিব পৰা মতে যুৱতী তিনি গৰাকীৰ ঘৰত নজনোৱাকৈয়ে দিল্লীলৈ নিয়াৰ পৰিকল্পনা কৰিছিল ৷
আৰক্ষীয়ে জনোৱা অনুসৰি যুৱতীগৰাকীয়ে কিশোৰী তিনিগৰাকীৰ ঘৰত নজনোৱাকৈ তেওঁলোকক কাম দিয়াৰ প্ৰলোভনেৰে লৈ আহিছিল ৷ যুৱতীগৰাকীয়ে নিজ ভাষ্যত কোৱা অনুসৰি তেওঁ বাৰে বাৰে কিশোৰী কেইগৰাকীক ঘৰত ক’বলৈ দিয়াৰ পিছতো তেওঁলোকে লগত যাবলৈ একপ্ৰকাৰৰ জেদ কৰিছিল ৷ সেইবাবেহে যুৱতীগৰাকীক বান্ধৱীৰ মাতৃক চোৱাচিতা কৰিবলৈ লৈ যাবলৈ সিদ্ধান্ত লৈছিল যুৱতীগৰাকীয়ে ৷
সম্প্ৰতি ৰে’ল আৰক্ষীয়ে অধিক তথ্যৰ বাবে সোধ-পোছ অব্যাহত ৰাখিছে যুৱতীগৰাকীক (Four lady arrested at Bhojo Station)৷ উল্লেখযোগ্য যে প্ৰায়েই টিংখাঙৰ ৰাজপথৰ পৰা সন্ধানহীন হৈ আছিল কিশোৰীসহ যুৱতীগৰাকী । আৰক্ষীয়ে আগন্তুক সময়ত সঠিক তদন্ত কৰিলে এক ডাঙৰ চক্ৰ পোহৰলৈ অহাৰ সম্ভাৱনা আছে বুলি সন্দেহ প্ৰকাশ কৰে ৷
লগতে পঢ়ক: মৰ্গত মাতৃৰ মৃতদেহ: চিকিৎসালয়ৰ পৰা সন্ধানহীন দুই শিশু সন্তান
