অসমৰ মাটিত গুলী ফুটাই অৰুণাচলী দুৰ্বৃত্তৰ সন্ত্ৰাস

চৰাইদেও জিলাৰ সোণাৰিৰ অসম অৰুণাচল সীমান্তৱৰ্তী চৰাইপুঙত তীব্ৰ উত্তেজনা ৷ অৰুণাচলী দূৰ্বৃত্তই চৰাইপুং তিনিআলিত গুলীচালনা কৰা এক ঘটনাক কেন্দ্ৰ কৰি সৃষ্টি হৈছে তীব্ৰ উত্তেজনাৰ ৷

মৰাণ, 7 এপ্ৰিল : চৰাইদেও জিলাৰ সোণাৰিৰ অসম অৰুণাচল সীমান্তৱৰ্তী চৰাইপুঙত তীব্ৰ উত্তেজনা ৷ অৰুণাচলী দূৰ্বৃত্তই চৰাইপুং তিনিআলিত বুধবাৰে সন্ধিয়া গুলীচালনা কৰা এক ঘটনাক কেন্দ্ৰ কৰি সৃষ্টি হৈছে তীব্ৰ উত্তেজনাৰ ৷ অৰুণাচলৰ কানুবাৰীৰ ৱাংৰাং ৱাংজেন নামৰ এজন যুৱকে এখন বগা ৰঙৰ মহিন্দ্ৰা স্কৰপিঅ‘ত আহি চৰাইপুং তিনিআলিত শূন্যলৈ লক্ষ্য কৰি কেইবা জাঁই গুলীচালনা কৰে ৷

অৰুণাচলী দূৰ্বৃত্তটোৱে চৰাইপুং তিনিআলিটো অৰুণাচলৰ সীমা বুলি হুমকি দি ঘটনা সংঘটিত কৰা বুলি অভিযোগ উত্থাপন কৰিছে স্থানীয়লোকে ৷ এজোপা প্ৰকাণ্ড গছত গুলিটো লগাৰ ফলতে কোনো লোক আহত হোৱাৰ পৰা কথমপি ৰক্ষা পৰে ৷

লগতে পঢ়ক : আলফা (স্বা)ৰ ৪২ সংখ্যক প্ৰতিষ্ঠা দিৱস