মৰাণ, 7 জানুৱাৰী : পৌৰসভা নিবাৰ্চনক লৈ শাসক দল বিজেপিৰ তৎপৰতা বৃদ্ধি পাছে (Municipal Corporation election in Assam)। পৰিস্থিতি জটিল নহ'লে মাৰ্চ মাহতে ৰাজ্যত অনুষ্ঠিত হ'ব পৌৰসভা নিবাৰ্চন । বৃহস্পতিবাৰে চৰাইদেউ ভ্ৰমণ কৰি এই মন্তব্য প্ৰদান কৰিছিল মুখ্যমন্ত্ৰী ড৹ হিমন্ত বিশ্ব শৰ্মাই (CM Himanta on municipal board election) । পৌৰসভা নিবাৰ্চন পিছুৱাই দিয়াৰ ইচ্ছা প্ৰকাশ কৰা নাই বুলিও কয় মুখ্যমন্ত্ৰী গৰাকীয়ে ।
আনহাতে, মুখ্যমন্ত্ৰী গৰাকীয়ে কয়, স্থানীয় ভিত্তিত মিত্ৰতা হ'ব, বৰ্তমানে মিত্ৰতাত থকা দল সমূহৰ লগত । এই বিষয়ে আলোচনা হোৱা বুলিও কয় মুখ্যমন্ত্ৰী গৰাকীয়ে । উল্লেখযোগ্য যে, মিত্ৰতাত থকা অগপ দলৰ সৈতে একেলগে এই নিৰ্বাচনত বিজেপি অৱতীৰ্ণ নোহোৱাৰ খবৰে শেহতীয়াকৈ ৰাজনৈতিক মহলত ব্যাপক চৰ্চা লাভ কৰিছে ৷ এই কথা নিশ্চিত কৰিছে দুয়োটা দলৰ নেতৃত্বই ।
বিজেপিৰ ৰাজ্যিক সভাপতি ভৱেশ কলিতা(BJP state president Bhabesh Kalita) আৰু অগপৰ সভাপতি অতুল বৰা(AGP president Atul Bora) উভয়েই ইতিমধ্যে এই কথা প্ৰকাশ কৰিছে । পিছে, মিত্ৰতাত থাকিও এইদৰে দল দুটাই পৃথকে নিৰ্বাচনত অৱতীৰ্ণ হোৱাৰ ঘটনা নতুন নহয় ৷
স্মৰ্তব্য যে, পূৰ্বৰ সোণোৱাল চৰকাৰৰ সময়তো ৰাজ্যত ২০১৮ চনত অনুষ্ঠিত হৈছিল পঞ্চায়ত নিৰ্বাচন । সেই সময়তো দিছপুৰত মিত্ৰ হৈ থাকিলেও পঞ্চায়ত নিৰ্বাচনত কিন্তু অকলেই অৱতীৰ্ণ হৈছিল অগপ আৰু বিজেপি । সেইবাৰ বিজেপিয়ে পঞ্চায়ত নিৰ্বাচনত অত্যন্ত ভাল ফলাফল দেখুৱাবলৈ সক্ষম হৈছিল যদিও তাৰ বিপৰীতে অগপই কিন্তু আশা কৰা ধৰণে ফলাফল নাপালে । এতিয়া ২০১৮ ৰে পুনৰাবৃত্তি ঘটাই পৌৰসভা আৰু নগৰ সমিতিৰ নিৰ্বাচনত দুয়োটা দল অকলশৰীয়াকৈ নিৰ্বাচনত অৱতীৰ্ণ হ’ব ।
লগতে পঢ়ক : NEET PG ৰ কাউন্সেলিং পুনৰ আৰম্ভ কৰাৰ অনুমতি উচ্চতম ন্যায়ালয়ৰ
