গুৱাহাটীত পুনৰ আক্ৰমণৰ বলি সাংবাদিক

ভাড়াঘক কেন্দ্ৰ কৰি সূত্ৰপাত হোৱা বাক বিতণ্ডাৰ ভয়াবহ পৰিণতি ৷ মহানগৰীত দিনক দিনে বৃদ্ধি পাইছে সাংবাদিক নিগ্ৰহৰ ঘটনা ৷

গুৱাহাটী, 6 জুলাইঃ ৰাজ্যত দিনক-দিনে বৃদ্ধি পাইছে সাংবাদিক নিগ্ৰহৰ ঘটনা ৷ শেহতীয়াকৈ মহানগৰীত সংঘটিত হৈছে এক সাংবাদিক আক্ৰমণৰ ঘটনা ৷ ভাড়াঘৰক কেন্দ্ৰ কৰি সৃষ্টি হোৱা কাজিয়াৰ পৰিণতিতে খৰ্গেশ্বৰ কলিতা নামৰ লোকজনে আক্ৰমণ কৰে ৰাজ্যৰ এখন দৈনন্দিন কাকতত কৰ্মৰত এগৰাকী সাংবাদিকক ৷

মহানগৰীৰ ভগদত্তপুৰৰ দিব্যজ্যোতি গগৈৰ ভাড়াঘৰত সৃষ্টি হয় এই পৰিস্থিতিৰ ৷ ভাড়াঘৰটোৰ চোৱাচিতাৰ দায়িত্বত থকা খৰ্গেশ্বৰ কলিতাই আক্ৰমণ কৰি আহত কৰে সাংবাদিকজনক ৷ ঘটনা সন্দৰ্ভত দিছপুৰ আৰক্ষী চকীত গোচৰ ৰুজু কৰাৰ লগতে ঘটনাক তীব্ৰ ভাষাৰে গৰিহণা দিছে দিছপুৰ প্ৰেছ ক্লাৱে ৷