গুৱাহাটী, ৩০এপ্ৰিলঃ মঙলবাৰে গুৱাহাটীৰ ব্যস্ত ৰাজপথত বন্যহস্তীৰ বিচৰণ ৷ মহানগৰীৰ জি এচ ৰ'ডত বন্যহস্তীৰ বিচৰণকলৈ হাহাকাৰ পৰিস্থিতি ৷ ৰাজীৱ ভৱনৰ সন্মুখত বনবিভাগৰ বিশাল বেৰিকেড ৷ আমচাং সংৰক্ষিত বনাঞ্চলৰ পৰা উলাই আহিছিল হাতীটো ৷ পুৱাৰ ভাগত ছয়মাইল,পাঞ্জাবাৰীত বিচৰণ কৰা হাতীটোৱে বিয়লি ৰাজপথলৈ ওলাই আহি ত্ৰাসৰ সৃষ্টি কৰে ৷ ইপিনে গজৰাজৰ ৰাজপথ বিচৰণত অসহায় বনবিভাগে ইতিমধ্যে হাতীটোক ট্ৰেংকুলাইজ কৰি হাতীটো সুৰক্ষিত স্থানলৈ নিয়াৰ ব্যৱস্থা কৰিছে ৷ উল্লেখ্য যে হাতীটোৱে 2 খন ৱাল ভঙাৰ লগতে ৰাজপথত কেইবাখনো গাড়ী ক্ষতিগ্ৰস্ত কৰে ৷
মহানগৰীৰ ৰাজপথত গজৰাজৰ মুক্ত বিচৰণ
