গুৱাহাটী, 3 জুলাইঃ মোডী চৰকাৰৰ দ্বিতীয় কাৰ্যকালৰ বিত্তমন্ত্ৰী নিৰ্মলা সীতাৰমণৰ বাজেটৰ ওপৰত সকলোৱে এতিয়া সকলোৰে দৃষ্টি নিবদ্ধ ৷ পূৰ্বৰ তুলনাতকৈ কিমান ব্যতিক্ৰম হ'ব এই বাজেট ৷ সৰ্বসাধাৰণৰ পৰা মন্ত্ৰীলৈ, সকলোৰে অপেক্ষা উত্থাপিত হ'ব লগা বাজেটৰ ওপৰত ৷
সমগ্ৰ দেশতে এই বাজেটক লৈ জল্পনা-কল্পনা অব্যাহত থকাৰ মাজতে কিন্তু ব্যতিক্ৰম নহয় অসমো ৷ অসম চৰকাৰৰ কেইবাগৰাকীও ৰাজ্য চৰকাৰৰ মন্ত্ৰীয়ে অতি আশাৰে অপেক্ষা কৰিছে নিৰ্মলা সীতাৰমণৰ এই বাজেটখনলৈ ৷
বুধবাৰে ইটিভি ভাৰতৰ সৈতে হোৱা সাক্ষাৎকাৰত ৰাজ্যৰ দুই কেবিনেট মন্ত্ৰী কেশৱ মহন্ত আৰু সিদ্ধাৰ্থ ভট্টাচাৰ্যই এই বাজেটে অসমলৈ আশাৰ বতৰা কঢ়িয়াব বুলি উল্লেখ কৰে ৷
কি ক'লে সিদ্ধাৰ্থ ভট্টাচাৰ্যইঃ
প্ৰাথমিক শিক্ষা খণ্ড আৰু উচ্চ শিক্ষাৰ ক্ষেত্ৰখনৰ বাবে এই কেন্দ্ৰীয় বাজেটে ভাল খবৰ কঢ়িয়াই আনিব বুলি তেওঁ আশাবাদী ৷
কি ক'লে ৰাজ্যৰ জলসম্পদ মন্ত্ৰী কেশৱ মহন্তইঃ
কেন্দ্ৰই নতুনকৈ গঠন কৰা নেশ্বনেল ৰিভাৰ কনজাৰভেছন ডাইৰেক্টৰেটৰ জৰিয়তে অসম যথেষ্ট পৰিমাণে লাভাম্বিত হ'ব বুলি তেওঁ আশাবাদী ৷ কেৱল এয়াই নহয় , এই বাজেটত অসমৰ বান সমস্যা লাঘব কৰাৰ উপায় থাকিব বুলি উল্লেখ মন্ত্ৰীগৰাকীৰ ৷
দেশজুৰি থকা বিভিন্ন দিশৰ সমস্যা সমূহক সমাধান কৰাৰ ক্ষেত্ৰত কিমান সহায়ক হব সেয়া 5 জুলাইত লক্ষণীয় হ'ব ৷
