ক্ষেত্ৰীত কৰুণাধাৰাৰ বিষয়ে সজাগতা সভা

"কৰুণাধাৰা" হৈছে হোমেন বৰগোহাঞি দেৱৰ প্ৰচেষ্টাত গঢ়ি উঠা এনে এক অনুষ্ঠান যাৰ উদ্যোগত বিশেষ ভাৱে সক্ষম তথা আৰ্থিক দিশত অনগ্ৰসৰ লোকসকলক আৰ্থিক দিশত সহায় আগবঢ়োৱা হয় ৷ জাগীৰোড কৰুণাধাৰা সমিতিৰ সৌজন্যত দেওবাৰে অনুষ্ঠিত কৰা হয় কৰুণাধাৰাৰ বিষয়ে সজাগতা সভা ৷

গুৱাহাটী, 7 জুলাইঃ জাগীৰোড কৰুণাধাৰা সমিতিৰ সৌজন্যত ক্ষেত্ৰী বি.এড কলেজৰ উদ্যোগত কৰুণাধাৰাৰ বিষয়ে সজাগতা সভা ৷ সভা অনুষ্ঠিত হয় ক্ষেত্ৰী বি.এড কলেজৰ প্ৰাংগনত । সভাৰ আৰম্ভণিত বি এড কলেজ প্ৰাংগনত হোমেন বৰগোহাঞি দেৱে তেওঁৰ নামত উৎসৰ্গিত এটি অধ্যয়ন কক্ষ উন্মোচন কৰে । বিশিষ্ট চিকিৎসক আৰু লেখক নৰেশ্বৰ শৰ্মাৰ ৰচনা , প্ৰণৱজ্যোতি বৰাই সুৰ প্ৰদান কৰা আৰু ক্ষেত্ৰী বি এড কলেজৰ অধ্যক্ষ ড0 পবন গগৈৰ পৰিচালনাত কৰুণাধাৰাৰ সভাৰ মূল গীতটিৰে সভা শুভাৰম্ভ কৰা হয় ।

এই সজাগতা সভাত মুখ্য অতিথি হিচাপে উপস্থিত থাকে বিশিষ্ট সাংবাদিক সাহিত্যিক হোমেন বৰগোহাঞি , কৰুণাধাৰাৰ সভাপতি প্ৰতুল ফুকন , কৰুণাধাৰাৰ জাগীৰোড সমিতিৰ সভাপতি মুনিন বৰঠাকুৰ , ভাৰতীয় তেল নিগমৰ প্ৰাক্তন মহাপ্ৰৱন্ধক/কৰুণাধাৰাৰ সচিব অজিত খাটনিয়াৰকে ধৰি বিশিষ্ট ব্যক্তিসকল ৷

লগতে পঢ়কঃ বটদ্ৰৱাত গ্ৰীষ্মকালীন কৰ্মশালাৰ ব্যতিক্ৰমী সামৰণি অনুষ্ঠান...