গুৱাহাটী, 12 এপ্ৰিলঃ নিশা মহানগৰীৰ আদাবাৰীত অঘটন । আদাবাৰী এন আৰ এল পেট্ৰ’ল পাম্পত তেল ভৰাবলৈ যাওঁতেই হঠাৎ জ্বলি উঠিল এখন নতুন অল্টো K10 বাহন । শ্ব'ৰুমৰ পৰা বাহনখন ক্ৰয় কৰি গৰাকীয়ে তেল ভৰাব যাওঁতেই সংঘটিত হয় এই ঘটনা । কথমপি প্ৰাণৰক্ষা পৰে বাহনখনত থকা দুটি শিশু, এহাল দম্পতী তথা বাহনখনৰ চালকজনৰ ।
তেল ভৰাই থাকোতেই অগ্নিসংযোগ নতুনকৈ ক্ৰয় কৰি অনা এখন এল্টো বাহনত
উল্লেখ্য যে, আদাবাৰীস্থিত বিমল অটো এজেঞ্চিৰ পৰা বাহনখন নতুনকৈ ক্ৰয় কৰি আনিছিল উত্তৰ গুৱাহাটীৰ গজেন্দ্ৰ বৰা নামৰ লোকজনে । যান্ত্ৰিক বিজুটিৰ বাবে বাহনখন জ্বলি উঠাৰ সন্দেহ প্ৰকাশ কৰা হৈছে । ঘটনাস্থলীত অগ্নিনিৰ্বাপক বাহিনী উপস্থিত হৈ উপশম কৰে বাহনখনৰ জুই ।
