কৰিমগঞ্জত বন বিভাগৰ ৰহস্যজনক স্থিতি!

শনিবাৰে পুৱাৰ ভাগতে কৰিমগঞ্জৰ নৱনিযুক্ত ডি এফ অ' জাহনুৰ আলিয়ে অবৈধভাৱে শিল কঢ়িয়াই নিয়া সাতখনকৈ ডাম্পাৰ জব্দ কৰিছিল ৷ কিন্তু কিছু সময়ৰ পিছতেই আশ্বৰ্যজনকভাৱে ঘটনাস্থলীৰ পৰা নাইকীয়া হৈ পৰে পাঁচখনকৈ ডাম্পাৰ ৷ ঘটনাস্থলীত সাংবাদিক উপস্থিত হৈ মাত্ৰ দুখন ডাম্পাৰহে প্ৰত্যক্ষ কৰে ৷

কৰিমগঞ্জ,4 জানুৱাৰীঃ কৰিমগঞ্জত বন বিভাগৰ ৰহস্যজনক স্থিতি ৷ ঘটনাস্থলীৰ পৰা নাইকিয়া হ’ল জব্দ কৰা অবৈধ শিল কঢ়িওৱা ডাম্পাৰ ৷ শনিবাৰে পুৱাৰ ভাগতে কৰিমগঞ্জৰ নৱনিযুক্ত ডি এফ অ' জাহনুৰ আলিয়ে অবৈধভাৱে শিল কঢ়িয়াই নিয়া সাতখনকৈ ডাম্পাৰ আটক কৰিছিল ৷ কিন্তু কিছু সময়ৰ পিছতেই আশ্বৰ্যজনকভাৱে ঘটনাস্থলীৰ পৰা নাইকিয়া হৈ পৰে পাঁচখনকৈ ডাম্পাৰ ৷ ঘটনাস্থলীত সাংবাদিক উপস্থিত হৈ মাত্ৰ দুখন ডাম্পাৰহে প্ৰত্যক্ষ কৰে ৷

উল্লেখ্য যে,শনিবাৰে কৰিমগঞ্জৰ বাজাৰঘাট এলেকাত সাতখনকৈ অবৈধ শিল কঢ়িওৱা ডাম্পাৰ জব্দ কৰা হৈছিল। কোনো ধৰণৰ বৈধ নথি পত্ৰ নথকা ডাম্পাৰ কেইখনে কাছাৰৰ কালাইনৰ পৰা শিল কঢ়িয়াই আনিছিল। ডাম্পাৰকেইখন ৰহস্যজনকভাৱে নাইকিয়া হোৱা কথাই সম্প্ৰতি বন বিভাগৰ ভূমিকাক লৈ প্ৰশ্ন উত্থাপিত কৰিছে ৷

জব্দ কৰা ডাম্পাৰকেইখনৰ নম্বৰ আছিল AS-11CC-6833, AS-11CC-5922,AS-11DC-4176,AS-11DC-0623, AS-11CC-2521. আৰু নম্বৰ নথকা ডাম্পাৰ আছিল দুখন । এই সন্দৰ্ভত সাংবাদিকে বনবিভাগৰ লোকক প্ৰশ্ন সোধাত গা এৰা মন্তব্য প্ৰকাশ কৰে বন বিষয়াই ৷

লগতে পঢ়ক-ত্ৰিপুৰাত নিচা জাতীয় সামগ্ৰীৰ সৈতে আটক অসমৰ যুৱক