চৌপিয়ানত সেনাৰ গুলীত নিহত চাৰি সন্ত্ৰাসবাদী

আমচিপুৰাত নিৰাপত্তাৰক্ষী আৰু উগ্ৰপন্থীৰ মাজত সংঘৰ্ষ ৷ চাৰিজন সন্ত্ৰাসবাদী নিহত ৷

নিউজ ডেস্ক, 18 জুলাই : জম্মু-কাশ্মীৰৰ চৌপিয়ান জিলাৰ আমচিপুৰা অঞ্চলত নিৰাপত্তাৰক্ষী আৰু উগ্ৰপন্থীৰ মাজত সংঘৰ্ষ ৷ মাজনিশাৰ পৰা আৰম্ভ হোৱা এই সংঘৰ্ষত চাৰিজন সন্ত্ৰাসবাদী নিহত হোৱা বুলি প্ৰকাশ কৰিছে সেনাৰ সূত্ৰই ৷

বিশেষ খবৰৰ ভিত্তিত অঞ্চলটোত অভিযান চলাইছিল সেনা-আৰক্ষীয়ে ৷ অভিযানৰ মাজতেই উগ্ৰপন্থীৰ দলটোৰ সৈতে সংঘৰ্ষৰ সূত্ৰপাত ঘটে ৷ বৰ্তমানেও অঞ্চলটোত আৰক্ষী আৰু সেনাৰ দলে অভিযান চলাই আছে ৷

আনহাতে, পুঞ্চ জিলাত পাকিস্তানে যুদ্ধ বিৰতি উলংঘা কৰি গুলীচালনা কৰাৰ ফলত তিনিজনকৈ সাধাৰণ নাগৰিকে প্ৰাণ হেৰুৱাই ৷ জিলাখনৰ উপায়ুক্তই সদৰী কৰিছে এই তথ্য ৷

লগতে পঢ়ক : পি পি ই কীট পৰিধান কৰি চিকিৎসকৰ নৃত্য