পিতৃৰ অকথ্য নিৰ্যাতনৰ বলি এটি কণমানি

কাছাৰত এগৰাকী কণমানিৰ ওপৰত অমানৱীয় অত্যাচাৰ চলাইছে এগৰাকী পিতৃয়ে ৷ মাটিত বগৰাই লৈ পিতৃয়ে অকথ্য নিৰ্যাতন চলাইছে নিজ কণমানি কন্যাক ৷ ভৰিৰে গচকি গচকি কণমানিজনীক প্ৰহাৰ কৰে হৃদয়হীন পিতৃয়ে ৷ কণমানিজনীৰ হিয়া ভঙা কান্দোনেও গলাব নোৱাৰিলে পিতৃৰ হৃদয় ৷

শিলচৰ, 5মে': এগৰাকী কণমানিৰ ওপৰত অমানৱীয় অত্যাচাৰ চলাইছে এগৰাকী পিতৃয়ে ৷ মাটিত বগৰাই লৈ পিতৃয়ে অকথ্য নিৰ্যাতন চলাইছে নিজ কণমানি কন্যাক ৷ সম্পূৰ্ণ বিবস্ত্ৰ কৰি নিজ কন্যাক অত্যাচাৰ চলোৱা এই ঘটনা সংঘটিত হৈছে কাছাৰ জিলাত ৷ শিলচৰ মেডিকেল কলেজ হাস্পতালৰ সমীপৰ ইমাম উদ্দীন নামৰ পাষাণ হৃদয়ৰ পিতৃগৰাকীয়ে নিজ কন্যাক অমানৱীয় অত্যাচাৰ চলোৱা দৃশ্যই অবাক কৰি তুলিছে সকলোকে ৷

কণমানিজনী উদ্ধাৰৰ বাবে এগৰাকী মহিলা আগবাঢ়ি আহিছে যদিও পিতৃ ইমাম উদ্দীনে পিষ্টল দেখুৱাই দাবী-ধমকি দি ঘটনাস্থলীৰ পৰা খেদি পঠিয়ায় মহিলাগৰাকীক ৷ ইমানতেই অন্ত পৰা নাই ৷ ইয়াৰ পাচতে ভৰিৰে গচকি গচকি কণমানিজনীক প্ৰহাৰ কৰে হৃদয়হীন পিতৃয়ে ৷ কণমানিজনীৰ হিয়া ভঙা কান্দোনেও গলাব নোৱাৰিলে পাষাণ পিতৃৰ হৃদয় ৷

ইমাম উদ্দীনে দীৰ্ঘদিনৰ পৰা অঞ্চলটোত ত্ৰাসৰ সৃষ্টি কৰি অহাৰ অভিযোগো উত্থাপন হৈ আহিছে ৷ হাতত পিষ্টল লৈ প্ৰতিৱেশীৰ ওপৰত নিৰ্যাতন চলোৱাৰো অভিযোগ উত্থাপন হৈছে ইমাম উদ্দীনৰ বিৰুদ্ধে ৷

লগতে পঢ়ক: বোকাজানত যৌন নিৰ্যাতন চলাই আৰক্ষীৰ জালত চিআৰপিএফৰ জোৱান