শিলচৰ, 09 ছেপ্টেম্বৰ: শিলচৰত আটক চাৰিজনকৈ বাংলাদেশী প্ৰবঞ্চক ৷ দেওবাৰে শিলচৰৰ বিগ বজাৰৰ সন্মুখত চৌডি আৰবৰ নোট বিক্ৰী কৰি থকা সময়তে হাতে লোটে বাংলাদেশী কেইজনক আটক কৰে শিলচৰ আৰক্ষীয়ে ৷ ধৃত বাংলাদেশী কেইজন ক্ৰমে, ম:চুমন ফকিৰ,জামাল মূঞ্চী,মঃ ৰিপন খান আৰু মঃ আছাদ উজ জামান ৷ ঘটনাস্থলীৰ পৰা মঃ কবীৰ চৰ্দাৰ নামৰ এজনৰ পলায়ন ৷ জানিব পৰা মতে, বাচকান্দিৰ এজন লোকে ক্ৰয় কৰিছিল চৌডি আৰবৰ নোট খিনি ৷ আৰক্ষীয়ে 10 খন জাল চৌডী আৰৱৰ "ৰিয়াল" নোট উদ্ধাৰ কৰাৰ লগতে উদ্ধাৰ কৰে পাঁচখন পাচপ'ৰ্ট , ছয়টা ম'বাইল ছেট ৷ বৰ্তমান ধৃত প্ৰবঞ্চক বাংলাদেশী কেইজনক জেৰা অৱ্যাহত ৰাখিছে শিলচৰ আৰক্ষীয়ে ৷
উল্লেখ্য যে, এমাহ পূৰ্বেও বন তাৰাপুৰৰ আন এজনৰ ওচৰতো বিক্ৰী কৰিছিল দুশ টকাৰ "ৰিয়াল" ৷ ধৃত বাংলাদেশী কেইজনে নিজকে পশ্চিমবংগৰ লোক বুলি পৰিচয় দিয়াৰ লগতে বিপদত পৰি চৌডি আৰবৰ নোট বিক্ৰী কৰি ভাৰতীয় নোট লোৱাৰ কথা প্ৰকাশ কৰে ৷
