শিলচৰ, 26 এপ্ৰিলঃ প্ৰধান শিক্ষয়ত্ৰীৰ বিৰুদ্ধে গুৰুতৰ অভিযোগ ৷ এই ঘটনা সংঘটিত হৈছে শিলচৰৰ 686নং অৰুনোদয় এল পি স্কুলত ৷ বিদ্যালয়খনৰ প্ৰধান শিক্ষয়ত্ৰী ছন্দা দাসে 2014 চনৰ পৰা মধ্যাহ্ন ভোজন, বিদ্যালয়ৰ মেৰামতিৰ নামত অহা সকলো ধন আত্মসাত কৰাৰ অভিযোগ উত্থাপন কৰিছে একাংশ অভিভাৱকে ৷ ইয়াৰোপৰি ছাত্ৰ-ছাত্ৰীক নিজৰ গাড়ী ছাফা কৰাৰ কামত লগোৱাৰ লগতে নিজৰ বিভিন্ন কামত লগোৱাৰো অভিযোগ উত্থাপন কৰিছে শিক্ষয়ত্ৰী গৰাকীৰ বিৰুদ্ধে ৷
প্ৰধান শিক্ষয়ত্ৰীৰ ওপৰত মধ্যাহ্ন ভোজনৰ ধন আত্মসাতৰ অভিযোগ
এই সকলো ঘটনাৰ বিষয়ে অভিভাৱক সকলে প্ৰশাসনক অৱগত কৰে যদিও বৰ্তমানলৈ কোনো ব্যৱস্থা গ্ৰহণ কৰা নাই প্ৰশাসনে ৷ ফলত এই সকলো ঘটনাৰ আৰত কোনো ৰহস্য থকা বুলিও উল্লেখ কৰে অভিভাৱক সকলে ৷ আনহাতে ঘটনা সম্পৰ্কত জিলা উপায়ুক্তলৈ এখন স্মাৰক পত্ৰও প্ৰেৰণ কৰে অভিভাৱকসকলে ৷
