বঙাইগাঁও, 18 এপ্ৰিল: সাম্ভাব্য কুটাঘাটৰ পৰা ৰক্ষা পৰিল বঙাইগাঁও । জেহাদীৰ বিৰুদ্ধে বঙাইগাঁও আৰক্ষীৰ জোৰদাৰ অভিযান । ত্ৰিপুৰাৰ পৰা বঙাইগাঁও আৰক্ষীয়ে আটক কৰি আনিলে তিনি জেহাদীক । আনচাৰুল্লাহ বাংলা টিমৰ(ABT) তিনি সদস্যক বাংলাদেশৰ সীমান্তৰ পৰা আটক কৰিলে বঙাইগাঁও আৰক্ষীয়ে । আটক কৰা এবিটিৰ সদস্যকেইজন ক্ৰমে আব্দুল কাছেম, হামিদ আলী আৰু ইমৰাণ হুছেইন (Jihadi arrested by Bongaigaon police) ।
ত্ৰিপুৰাৰ যাত্ৰাপুৰ আৰক্ষীৰ জিম্মাৰ পৰা বঙাইগাঁও আৰক্ষীয়ে জিম্মাত লয় এ বি টিৰ সদস্যকেইজনক । ইতিমধ্যে বঙাইগাঁও সদৰ থানাত ৰখা হৈছে অভিযুক্ত এ বি টিৰ সদস্যকেইজনক । অভিযুক্ত জেহাদীকেইজনক আটক কৰাৰ পিছত এতিয়া আৰক্ষীৰ তদন্ত চলি আছে (Police inquiry on arrested Jihadis)।
উল্লেখ্যযোগ্য যে, আটাইকেইজনে জানুৱাৰী মাহৰ পৰা বাহৰ পাতি আছিল অভয়াপুৰী যোগীঘোপা আৰু কাৱাইটাৰীৰ অঞ্চল সমূহত ।
মন কৰিব লগীয়া যে, অল কায়েদা ইন ইণ্ডিয়ান চাবকন্টিনেন্ট (Al Qaeda in Indian Sub continent) সংগঠনৰ হৈ কাম কৰে এ বি টিয়ে । এ বি টিৰ সদস্যকেইজনে শ্লিপাৰচেল হিচাপে কাম কৰি আছিল বঙাইগাঁৱত । সোমবাৰে বঙাইগাঁও জিলাৰ আৰক্ষী অধীক্ষক স্বপ্ননীল ডেকাই সংবাদমেল যোগে সদৰি কৰে এই সমস্ত বিষয় ৷
উল্লেখ্য যে, বৰপেটা আৰক্ষীয়ে ৪ মাৰ্চত মহম্মদ সুমন ওৰফে ছাইফুল ইছলাম ওৰফে হাৰুন ৰছিদ নামৰ বাংলাদেশী জেহাদীটোক গ্ৰেপ্তাৰৰ পিচতেই পোহৰলৈ আহিছে বিশ্বত্ৰাস জেহাদী সংগঠন আল-কায়দাই বৰপেটাত বাহৰ পাতি অসম তথা ভাৰতত জেহাদৰ জাল পেলোৱাৰ তথ্য ৷ বাংলাদেশ জেহাদী মহম্মদ সুমনৰ তথ্যৰ আধাৰত বৰপেটাত এতিয়ালৈকে ১১ টা জেহাদী আৰক্ষীৰ জালত পৰাৰ ঘটনাক লৈ সমগ্ৰ দেশজুৰি সৃষ্টি হৈছে তুমুল চাঞ্চল্যৰ ৷
শেহতীয়াভাৱে ১২ টাকৈ দুধৰ্ষ জেহাদী বৰপেটা আৰক্ষীৰ জালত পৰাৰ পিচতেই বৰপেটাত ঘাটি পাতি থকা বহিঃৰাজ্যৰ বহু জেহাদীয়ে আত্মগোপনৰ সন্দেহ কৰা হৈছে ৷ বাংলাদেশী নাগৰিক তথা আল কায়দা জেহাদী মহম্মদ সুমনৰ স্বীকাৰোক্তিৰ ভিত্তিত শেহতীয়াভাৱে ৬ জেহাদী গ্ৰেপ্তাৰৰ (Six jihadis arrested in Barpeta) পিচতেই পোহৰলৈ অহা তথ্য অনুসৰি বৰপেটাৰ বহু অঞ্চলৰ পৰা বহু সন্দেহজনক লোক অন্তৰ্ধান হোৱাৰ সন্দেহ কৰা হৈছে ৷
লগতে পঢ়ক : Jihadi in Assam : সন্ধানহীন হৈছে একাধিক সন্দেহজনক লোক
