অভয়াপুৰী, 5 জুন: বিশ্ব পৰিৱেশ দিৱসৰ লগত সংগতি ৰাখি শনিবাৰে সেউজ মানিকপুৰ নামৰ স্বেচ্ছাসেৱী সংগঠনে গছপুলি ৰোপণ কাৰ্যসূচী পালন কৰে । কৰ’ণাৰ জটিল সময়ত পৃথিৱীত অক্সিজেনৰ ভাৰসাম্য ৰক্ষা কৰা আৰু মানিকপুৰক সেউজীয়া কৰি ৰখাৰ উদ্দেশ্যেত এই কাৰ্যসূচী গ্ৰহণ কৰে সংগঠনটোৱে ।
উল্লেখ্য যে, এই সংগঠনটোৱে কেইবাবছৰ ধৰি প্ৰকৃতিৰ হৈ কাম কৰি আছে । মাণিকপুৰ ৰাষ্ট্ৰীয় ঘাইপথৰ কাষতে স্বেচ্ছাসেৱী সংগঠনটোৱে বৃক্ষৰোপণ কৰে । বিশ্ব পৰিৱেশ দিৱস উপলক্ষে বিশিষ্ট শিক্ষাবিদ, সাংবাদিক, সাহিত্যিক, বুদ্ধিজীৱি হোমেন বৰগোহাঞিৰ স্মৃতিত বৃক্ষৰোপণ কৰা দেখিবলৈ পোৱা যায় ।
উল্লেখ্য যে সেউজ মানিকপুৰ নামৰ স্বেচ্ছাসেৱী সংগঠনে গছপুলি ৰোপণ কাৰ্যসূচীত স্থানীয় লোকসকলৰ লগতে শিক্ষাৰ্থী সকলে অংশগ্ৰহণ কৰা পৰিলক্ষিত হয় ৷
লগতে পঢ়ক : বৰপেটাৰোডত তেল চোৰ গ্ৰেপ্তাৰ
