তৃতীয় পৰ্যায়ৰ নিৰ্বাচনৰ বাবে সাজু বঙাইগাঁও জিলা প্ৰশাসন

বঙাইগাঁৱত মুঠ ২৪২ টা ভোটগ্ৰহণত কেন্দ্ৰত অনুষ্ঠিত হ’ব তৃতীয় পৰ্যায়ৰ ভোটগ্ৰহণৰ প্ৰক্ৰিয়া ৷ ইয়াৰে ৮ টা ভোটগ্ৰহণ কেন্দ্ৰ থাকিব কেৱল মহিলাৰ বাবে ৷

বঙাইগাঁও, 22 এপ্ৰিলঃ বৰপেটা লোকসভা সমষ্টিৰ অন্তৰ্গত বঙাইগাঁও জিলাৰ বঙাইগাঁও বিধানসভা সমষ্টিৰ ২৪২ টা ভোটগ্ৰহণ কেন্দ্ৰত অনুষ্ঠিত হ’ব তৃতীয় পৰ্যায়ৰ ভোটগ্ৰহণ ৷ এই 242 টা ভোটগ্ৰহণৰ ৮ টা ভোটগ্ৰহণত কেন্দ্ৰত থাকিব কেৱল মহিলা ৷ য‘ত নিৰাপত্তাৰক্ষীৰ পৰা আৰম্ভ কৰি সকলো বিষয়া হ’ব মহিলা ।

সমষ্টিটোত মুঠ ভোটাৰৰ সংখ্যা হৈছে ১৭২৬০০ গৰাকী ৷ ইয়াৰে পুৰুষ ভোটাৰ সংখ্যা ৮৬৫২৭ জন আৰু ৮৬০৭৩ জনী । এই ভোটগ্ৰহণ প্ৰক্ৰিয়া সন্দৰ্ভত জিলা উপায়ুক্ত আদিল খানে জনায় যে তৃতীয় পৰ্যায়ৰ লোকসভা নিৰ্বাচনৰ বাবে জিলাখনত সম্পূৰ্ণৰূপে সষ্ঠম কৰি তোলা হৈছে নিৰাপত্তা ব‍্যৱস্থা ৷ ইতিমধ্যে ভোটগ্ৰহণৰ বাবে সকলো বিষয়া কৰ্মচাৰীক ইভিএম আদি বিতৰণ কৰা হৈছে ।