Price Hike in Assam: অস্বাভাৱিক দামবৃদ্ধিত চৰম অসুবিধাত পৰিছে সৰ্বসাধাৰণ জনতা

অস্বাভাৱিক মূল্যবৃদ্ধিয়ে জ্বলাকলা খুৱাইছে সাধাৰণ জনতাক (Price hike of essential commodities)৷ পেট্ৰ’ল-ডিজেলৰ লগতে অত্যাৱশ্যকীয় সামগ্ৰীৰ আকাশলংঘী দামে ভীষণ বিপদত পেলাইছে মধ্যবিত্ত শ্ৰেণীক ৷ কোনো আঁচনিয়ে ঢুকি নোপোৱা অথচ বজাৰৰ জুয়ে দহা মধ্যবিত্তসকলে চৰকাৰক কাতৰ আহ্বান জনাইছে যাতে বস্তুৰ দাম কম কৰি সাধাৰণ জনতাক উপকৃত কৰে ৷

বঙাইগাঁও, 3 এপ্ৰিল: পেট্ৰল-ডিজেলৰ লগতে অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে ৰাজ্যজুৰি অব্যাহত আছে প্ৰতিবাদী কাৰ্যসূচী ৷ বিশেষকৈ পেট্ৰল-ডিজেলৰ মূল্যবৃদ্ধিয়ে কোঙা কৰিছে সৰ্বসাধাৰণ ৰাইজক ৷ মূল্যবৃদ্ধি ৰোধ কৰাৰ আহ্বান জনাইছে সাধাৰণ যান-বাহনৰ গৰাকীয়ে ৷

ৰাজ্যত শতকৰ ঘৰ অতিক্ৰম কৰিলে পেট্ৰলৰ মূল্যই । ১৩ দিনত ১১ বাৰকৈ বাঢ়িল ইন্ধনৰ মূল্য । সমগ্ৰ অসমৰ লগতে অভয়াপুৰীতো পেট্ৰল-ডিজেলৰ মূল্যবৃদ্ধিক লৈ সমস্যাত পৰিছে সৰ্বসাধাৰণ ৰাইজ৷ ৰাজ্যৰ ভিন্ন স্থানৰ সমান্তৰালভাৱে অভয়াপুৰীতো বৰ্তমান পেট্ৰ’লৰ মূল্য ১০৩.৫০ টকা আৰু ডিজেলৰ মূল্য ৮৯.৩৪ টকা হোৱাত এতিয়া ভীষণ সমস্যাত পৰিছে যানবাহনৰ গৰাকীসকল ।

ৰাজ্যত শেহতীয়াকৈ হোৱা অস্বাভাৱিক মূল্যবৃদ্ধিত চিন্তিত হৈ পৰিছে মধ্যবিত্তসকল (Price hike of essential commodities)৷ ৰাজ্য চৰকাৰক বস্তুৰ দাম কৰি বিপদৰ পৰা মুক্ত কৰাৰ আহ্বান জনাইছে সৰ্বসাধাৰণ ৰাইজে ৷

লগতে পঢ়ক: শীঘ্ৰেই সত্ৰৰ ভূমি বেদখলমুক্ত হ'ব: মৃণাল শইকীয়া