বঙাইগাঁৱত নাথ যোগী ছাত্ৰ সন্থাৰ প্ৰতিবাদ

নাথ যোগী ছাত্ৰ সন্থাই বঙাইগাঁৱত সাব্যস্ত কৰে প্ৰতিবাদ ৷ কমতাপুৰ স্বায়ত্ব শাসিত পৰিষদে অবিভক্ত গোৱালপাৰা জিলাত বসবাস কৰা নাথ যোগী লোকসকলৰ সাংবিধানিক অধিকাৰ খৰ্ব কৰাৰ অভিযোগ কৰি সংগঠনটোৱে সাৱস্ত্য কৰে প্ৰতিবাদ ৷

বঙাইগাঁও , 10 জানুৱাৰী : বঙাইগাঁৱত নাথ যোগী ছাত্ৰ সন্থাৰ প্ৰতিবাদ ৷ কমতাপুৰ স্বায়ত্ব শাসিত পৰিষদে অবিভক্ত গোৱালপাৰা জিলাত বসবাস কৰা নাথ যোগী লোকসকলৰ সাংবিধানিক অধিকাৰ খৰ্ব কৰাৰ অভিযোগ কৰি সংগঠনটোৱে শুকুৰবাৰে সাব্যস্ত কৰে প্ৰতিবাদ ৷ নাগৰিকত্ব সংশোধনী আইন গৃহীত কৰাৰ পিছতে ৰাজ্যত গঢ় লৈ উঠা প্ৰতিবাদৰ প্ৰতি লক্ষ্য ৰাখি চৰকাৰে অবিভক্ত গোৱালপাৰা জিলাক সামৰি কমতাপুৰ স্বায়ত্ব শাসিত পৰিষদ গঠন কৰে ৷

এই পৰিষদ গঠন হোৱাৰ পাছত এলেকাটোত বসবাস কৰা নাথ যোগী লোকসকলৰ সাংবিধানিক অধিকাৰ খৰ্ব হ'ব বুলি শংকিত হৈ মন্তব্য কৰে নাথ যোগী ছাত্ৰ সন্থাৰ সাধাৰণ সম্পাদক অৰবিন্দ নাথে ৷ নাগৰিকত্ব সংশোধনী আইনৰ বিৰুদ্ধে প্ৰতিবাদ অব্যাহত ৰখাৰ দাবী জনায় নাথ যোগী ছাত্ৰ সন্থাৰ সাধাৰন সম্পাদক গৰাকীয়ে ৷

আৰু পঢ়ক : বঙাইগাঁও জিলাত ৰণশিঙা বজালে সদৌ অসম ছাত্ৰ সন্থাই