বঙাইগাঁও, 13 ডিচেম্বৰ : বঙাইগাঁৱৰ বালাৰচৰত দেওবাৰে সংঘটিত হৈছে ভূমিকেন্দ্ৰিক সংঘাত । বৰঘোলা আৰক্ষী চকীৰ অন্তৰ্গত বালাৰচৰত সংঘটিত হোৱা এই ভূমিকেন্দ্ৰিক বিবাদ (Land Conflict at Balarchar) ক কেন্দ্ৰ কৰি আহত হয় 4 জনকৈ লোক ৷
ঘটনাৰ বিৱৰণী অনুসৰি, অঞ্চলটোৰ আবুল কালাম আজাদ আৰু ছামছুল হকৰ মাজত বিষয় সন্দৰ্ভত সৃষ্টি হয় সংঘাতৰ ৷ পেছাত শিক্ষক আবুল কালাম আজাদে ছামছুল হকৰ ভূমি দীৰ্ঘদিন ধৰি অবৈধভাৱে দখল কৰি অহাৰ অভিযোগ উত্থাপিত হৈছে ৷ যাৰ পৰিণতিত ছামছুল আৰু আবুল কালাম আজাদৰ মাজত সংঘটিত হয় এই ভূমিকেন্দ্ৰিক ঘটনা ৷
শিক্ষক আবুল কালামৰ বিৰুদ্ধে ব্যক্তিগৰাকীয়ে অভিযোগ তৰিছে মাৰপিটৰ ৷ যাৰ ফলত ছামছুল হক, আতোৱাৰ ৰহমান, আব্দুল বাতিনৰ লগতে ছামছুলৰ পত্নীও গুৰুতৰভাৱে আহত হয় । আহতসকলক ততাতৈয়াকৈ বঙাইগাঁৱৰ এখন হাস্পতালত ভৰ্তি কৰোৱা হয় ৷ কিন্তু ছামছুল হকৰ অৱস্থা সংকটজনক বুলি জানিব পৰা গৈছে ৷
পৰৱৰ্তী সময়ত ঘটনাস্থলীত বৰঘোলা আৰক্ষী উপস্থিত হৈ ঘটনাটোৰ তদন্ত আৰম্ভ কৰে ৷ এই ঘটনাৰ ফলত অঞ্চলটোত তীব্ৰ উত্তেজনাই বিৰাজ কৰে ৷
লগতে পঢ়ক: যৌতুকৰ বাবেই পত্নীক হত্যাৰ চলাইছিল স্বামী বাহাৰুল সহ পৰিয়ালে
