বঙাইগাঁও, 3 ডিচেম্বৰ : চৰকাৰৰ উদাসীনতা আৰু উন্নয়নমূলক কামৰ শামুকীয়া গতিৰ উদাহৰণ হিচাপে ক’ব পাৰি বঙাইগাঁৱৰ বৰঘোলাৰ আই নৈ(Aie River)ৰ ওপৰত 10 বছৰ ধৰি নিৰ্মাণৰ কাম সম্পূৰ্ণ নোহোৱা এখন দলঙৰ কথা ৷ বৰঘোলাৰ মানাহ নৈৰ ওপৰত থকা এখন দলঙৰ বাবে হাহাকাৰ কৰিবলগীয়া হৈছে স্থানীয় ৰাইজে ৷
দলংখনৰ নিৰ্মাণৰ কাম সম্পূৰ্ণ নোহোৱাৰ বাবে(Bridge under construction over Manas River at Barghola) ৰাইজে দৈনিক বিপদসংকুলভাৱে নাৱেৰে পাৰা-পাৰ হবলগীয়া হয় (A dangerous river crossing) ৷ ইফালে নৈৰ পানী কম হ’লে কাষতে থকা বাঁহৰ সাঁকোৰে তেওঁলোকে যাতায়াত কৰা পৰিলক্ষিত হয় ৷ উত্তৰ অভয়াপুৰী সমষ্টি মাজেৰে বৈ যোৱা আই নৈৰ বৰঘোলা-কাহিবাৰী পাৰঘাটত আছে এই দলংখন ৷
2018 চনত 41 কোটি টকা ব্যয়ৰে নিৰ্মাণ কৰা দলংখনৰ 480 মিটাৰ কাম সম্পূৰ্ণ কৰা হৈছে যদিও পূৱফালে নৈৰ গৰাখহনীয়া হোৱাত দলংখন নৈৰ মাজভাগলৈহে সীমিত থাকে ৷ ইয়াৰ পাচৰ পৰাই প্ৰায় 10-12 খন গাঁৱৰ লোকে নিতৌ মৰণত শৰণ দি নৈ পাৰ হ’বলগীয়া হৈছে ৷ এনে পৰিস্থিতিৰ বাবে বহু সময়ত দুৰ্ঘটনা সংঘটিত হৈ আহত হৈছে বহুকেইজন লোক ।
অৱশ্যে শেহতীয়াকৈ দলং নিৰ্মাণৰ কাম পুনৰ আৰম্ভ কৰিছে স্থানীয় বিধায়ক আব্দুল বাতিন খন্দকাৰ আৰু ঠিকাদাৰ ৰুদ্ৰ পাঠকে ৷ দুয়োগৰাকীয়ে মুখ্যমন্ত্ৰী ড৹ হিমন্ত বিশ্ব শৰ্মা(CM Himanta Biswa Sarma)ৰ সৈতে যোগাযোগ কৰি নৈখনৰ পূৱফালে প্ৰায় তিনিদিন ধৰি ক্ষীপ্ৰতাৰে আৰম্ভ কৰিছে নিৰ্মাণৰ কাম । শীঘ্ৰেই দলংখনৰ কাম সম্পূৰ্ণ কৰি যাতায়াতৰ পথ সুচল কৰি তুলিবলৈ স্থানীয় বিধায়ক আৰু মুখ্যমন্ত্ৰীক অনুৰোধ জনাইছে ভুক্তভোগী ৰাইজে ৷
লগতে পঢ়ক : জৰাজীৰ্ণ অৱস্থাত ঐতিহাসিক নামতিপুল দলং
