বঙাইগাঁৱত সেউজ দীপাৱলী পালনৰ আহ্বান বেচৰকাৰী সংস্থাৰ

বঙাইগাঁৱত প্ৰদূষণ মুক্ত দীপাৱলী উদযাপনৰ আহ্বান সেউজ মানিকপুৰ নামৰ প্ৰকৃতিপ্ৰেমী বেচৰকাৰী সংস্থাৰ । বঙাইগাঁও সদৰত বন্তি বিতৰণ সংস্থাটোৰ ।

বঙাইগাঁও,27অক্টোবৰঃ দীপাৱলীৰ প্ৰাকক্ষণত সেউজ দীপাৱলী পালনৰ আহ্বানেৰে প্ৰদূষণ মুক্ত দিপাৱলী উদযাপনৰ আহ্বান জনাইছে প্ৰকৃতিপ্ৰেমী বেচৰকাৰী সংস্থা সেউজ মানিকপুৰে । সংস্থাটোৰ সদস্য মহিধৰ ৰায়ে নিজৰ সংস্থাৰ লোক সকলক লৈ সন্ধিয়া বঙাইগাঁও সদৰৰ বিভিন্ন ব্যৱসায়িক প্ৰতিষ্ঠানলৈ গৈ প্ৰদূষণ মুক্ত দীপাৱলী উদযাপনৰ বাবে আহ্বান জনাই এগছিকৈ বন্তি বিতৰণ কৰে । লগতে শব্দ প্ৰদূৰ্ষণকাৰী আতচবাজী আৰু পৰিবেশ প্ৰদূৰ্ষণকাৰী সা-সামগ্ৰী ব্যৱহাৰৰ পৰা বিৰত থাকিবলৈও প্ৰকৃতি প্ৰেমী দলটোৱে অনুৰোধ জনায় ৷