বঙাইগাঁও,3 নৱেম্বৰ : বঙাইগাঁৱত শনিবাৰে সংঘটিত হয় এক শোকাৱহ পথ দুৰ্ঘটনা ৷ দুৰ্ঘটনাটোত থিতাতে নিহত হয় বঙাইগাঁও জিলা ছাত্ৰ সন্থাৰ সাধাৰণ সম্পাদক দেৱানন ৰায় । ঘটনা অনুসৰি, বঙাইগাঁও জিলা ছাত্ৰ সন্থাৰ সাধাৰণ সম্পাদক দেৱানন ৰায়ে উত্তৰ শালমাৰাত অনুষ্ঠিত সদৌ অসম ছাত্ৰ সন্থাৰ সাংগঠনিক সভা সামৰি মানিকপুৰৰ নিজ ঘৰলৈ আহি আছিল ৷ মটৰ চাইকেলৰে আহি থকা অৱস্থাত জিলাখনৰ সিদলসতিত ৩১ নং ৰাষ্ট্ৰীয় ঘাইপথত এখন মালবাহী ট্ৰাকৰ খুন্দাত থিতাতে নিহত হয় দেৱানন । দুৰ্ঘটনা সংঘটিত কৰি পলায়ন কৰে মালবাহী ট্ৰাক খনে ৷ সম্প্ৰতি মৰণোত্তৰ পৰীক্ষাৰ বাবে মৃতদেহটো বঙাইগাঁৱৰ অসামৰিক চিকিৎসালয়ত ৰখা হৈছে ৷ মৰণোত্তৰ পৰীক্ষাৰ অন্তত সাধাৰণ সম্পাদকগৰাকীক বঙাইগাঁও জিলা আছুৰ কাৰ্যালয়ত শ্ৰদ্ধাঞ্জলি জনোৱা হ'ব ।
পথ দুৰ্ঘটনাত নিহত বঙাইগাঁও জিলা ছাত্ৰ সন্থাৰ সাধাৰণ সম্পাদক
