বিশ্বনাথ, 5 আগষ্ট : বিশ্বনাথত বিষয়া-ঠিকাদাৰৰ চৰম গাফিলতিৰ বাবেই ভাগি পৰিল কাঠৰ দলং ৷ অভিযোগ অসম সংখ্যালঘু সংগ্ৰাম পৰিষদৰ ৷ নিম্ন মানৰ কাম কৰা ঠিকাদাৰৰ ওপৰত বিহিত ব্যৱস্থা লবলৈ অতিৰিক্ত উপায়ুক্তক স্মাৰক পত্ৰ সংখ্যালঘু সংগ্ৰাম পৰিষদৰ ৷
বিশ্বনাথৰ চতিয়া পলশনিত ভাগি পৰিল কাঠৰ দলং ৷ ভাগি পৰিল চতিয়াৰ পলশনি আৰু কুৰুৱাআটি সংযোগী 'টৌ' খ্যাত এখন কাঠৰ দলং ৷ নিৰ্মাণৰ তিনিবছৰ সম্পূৰ্ণ নহওঁতেই ভাগি পৰিল এই দলং ৷
ৰাইজৰ অভিযোগ অনুসৰি বিশ্বনাথ বিধানসভা সমষ্টিৰ বিধায়ক প্ৰমোদ বৰঠাকুৰৰ আত্মীয়ই লাভ কৰিছিল এই দলং নিৰ্মাণৰ ঠিকা ৷ কিন্তু নিৰ্মাণৰ তিনি বছৰ সম্পূৰ্ণ নহওঁতেই ভাগি পৰিল এই দলংখন ৷ নিৰ্মাণৰ তিনিবছৰ নৌহওঁতেই দলংখন বহুবাৰ মেৰামতিও কৰা হ'ল ৷ কিন্তু অৱশেষত শনিবাৰে দুৰ্বল অৱস্থাত থকা এই দলংখন ভাগি সোমাই পৰিল নদীৰ মাজত ৷
এই দলং নিৰ্মাণৰ ঠিকা লাভ কৰিছিল বিশ্বনাথৰ বিধায়ক প্ৰমোদ বৰঠাকুৰৰ আত্মীয় জনৈক বৰঠাকুৰে ৷ দলঙখন ভাগি পৰাত সম্পূৰ্ণ ৰূপে বন্ধ হৈ পৰিল কেইবাখনো গাঁৱৰ যাতায়ত ব্যৱস্থা ৷ এই দলঙৰ মাধ্যমেৰেই নিতৌ বিদ্যালয়লৈ অহা-যোৱা ছাত্ৰ-ছাত্ৰীৰ ৷ লগতে বৃহত্তৰ অঞ্চলটোৰ শ শ ৰাইজৰ যাতায়তৰ মাধ্যম এই দলঙখন ৷ ফলত দলঙখন ভাগি পৰাত অঞ্চলটোৰ ৰাইজে যাতায়তৰ ক্ষেত্ৰত এতিয়া তীব্ৰ সমস্যাৰ সন্মুখীন হ’ব লাগিব ৷
শ শ ৰাইজৰ যাতায়তৰ একমাত্ৰ মাধ্যম এই দলঙখন শীঘ্ৰেই পুনৰ নিৰ্মাণ কৰিবলৈ স্থানীয় বিধায়কক দাবী জনাইছে সংখ্যালঘু সংগ্ৰাম পৰিষদে ৷ লগতে শীঘ্ৰেই নিৰ্মাণকাৰী ঠিকাদাৰৰ বিৰুদ্ধে তদন্তৰ দাবী জনাই অতিৰিক্ত উপায়ুক্তক স্মাৰক পত্ৰ প্ৰদান কৰিছে অসম সংখ্যালঘু সংগ্ৰাম পৰিষদৰ বিশ্বনাথ জিলা সমিতিয়ে ৷
লগতে পঢ়ক : Arunachal Mountaineer Missing: অৰুণাচল প্ৰদেশত নিৰুদ্দেশ হোৱা দুই পৰ্বতাৰোহীক বিচাৰি পুনৰ অভিযান আৰম্ভ
