বিশ্বনাথ, 6 ছেপ্টেম্বৰ : বিশ্বনাথৰ অনতম স্বেচ্ছাসেৱী সংগঠন গ্ৰীণ আচিয়ানা ৱেলফেয়াৰ চ'চাইটিৰ উদ্যোগত শনিবাৰে বিহালীৰ বৰগাং শংকৰদেৱ শিশু নিকেতনৰ প্ৰেক্ষাগৃহত অনুষ্ঠিত কৰা হয় শিক্ষক দিৱসৰ কাৰ্যসূচী ৷ এই অনুষ্ঠানটিতে স্বেচ্ছাসেৱী সংগঠনটোৰ তৰফৰ পৰা নিৰ্বাচিত বিহালীৰ 16 গৰাকীকৈ শিক্ষক-শিক্ষয়িত্ৰীক 2020 বৰ্ষৰ কৃতি শিক্ষকৰ সন্মানৰে বঁটা প্ৰদান কৰি কৰা হয় সন্মানিত ।
গ্ৰীণ আচিয়ানা ৱেলফেয়াৰ চ'চাইটিৰ সঞ্চালক প্ৰধান কিশোৰ হাজৰিকাৰ সভাপতিত্বত অনুষ্ঠিত সভাখনত কৃতি শিক্ষকৰ বঁটা প্ৰদান কৰা হয় বিহালীৰ জ্যেষ্ঠ সাংবাদিক তথা অৱসৰ প্ৰাপ্ত শিক্ষক অমিতাভ বৰুৱা, মঃ নুৰ কাচিম আহমেদ , যোগেন ৰংহাং , অৱসৰ প্ৰাপ্ত শিক্ষক ইন্দ্ৰেশ্বৰ কটকী , স্বৰাজ হাজৰিকা , ডঃ ক্ষেমৰাজ নেপাল , হৰি প্ৰসাদ উপাধ্যায় , চন্দ্ৰ লাল শৰ্মা , যোগেশ্বৰ তংলা , মনোহৰ কুৰ্মী , শিক্ষয়িত্ৰী কুঞ্জ হাজৰিকা , বিশ্বজিৎ ৰয় , বৈশাকু ৰয় , পূণ্য প্ৰসাদ শৰ্মা, ৰমেশ দৈমাৰী আৰু ড: জীৱন চন্দ্ৰ নাথক ।
বিশ্বনাথ কৃষি বিশ্ববিদ্যালয়ৰ মুৰব্বী বিজ্ঞানী ডঃপল্লৱ শৰ্মা , জাতীয়তাবাদী যুৱ ছাত্ৰ পৰিষদৰ কেন্দ্রীয় কমিটীৰ যুটীয়া সম্পাদক জিতু শৰ্মা , জ্যেষ্ঠ সাংবাদিক নিৰঞ্জন হাজৰিকাকে ধৰি বহু কেইগৰাকী বিশিষ্ট ব্যক্তিয়ে শিক্ষক দিৱসৰ এই অনুষ্ঠানটিত কৰিছিল অংশ গ্ৰহণ ।
লগতে পঢ়ক : যুৱতীক ধৰ্ষণ কৰি মুমূৰ্ষু অৱস্থাত পেলাই থৈ গ'ল ৰাজপথৰ কাষত
