বিশ্বনাথত অস্ত্ৰসহ গ্ৰেপ্তাৰ চোৰাং চিকাৰী

বিশ্বনাথৰ জিনজিয়া আৰক্ষী থানা ভাঃ প্ৰাপ্ত আৰক্ষী বিষয়া বিশ্বজিৎ মেধীৰ নেতৃত্বত যোৱা এটা আৰক্ষী দলে গ্ৰেপ্তাৰ কৰে হিকমত আলী নামৰ চোৰাং চিকাৰীটোক ৷

বিশ্বনাথ, 18 জুন: বিশ্বনাথ জিলাৰ জিনজিয়া আৰক্ষী থানাৰ অন্তৰ্গত নিজ বাঘমাৰী গাৱঁৰ পৰা অস্ত্ৰসহ আটক এজন দুধৰ্ষ চোৰাং চিকাৰী । বৃহস্পতিবাৰে পুৱতি নিশা বিশ্বনাথৰ জিনজিয়া আৰক্ষী থানা ভাঃ প্ৰাপ্ত আৰক্ষী বিষয়া বিশ্বজিৎ মেধীৰ নেতৃত্বত যোৱা এটা আৰক্ষী দলে গ্ৰেপ্তাৰ কৰে হিকমত আলী নামৰ চোৰাং চিকাৰীটোক ৷ চোৰাং চিকাৰীটোৰ পৰা আৰক্ষীয়ে উদ্ধাৰ কৰে 5 জাই সজীৱ গুলি,থ্ৰী নট থ্ৰী ৰাইফলৰ এডাল চাইলেন্সাৰৰ লগতে এডাল কাকিং হেণ্ডেল ৷

হিকমত আলীৰ পৰা উদ্ধাৰ হোৱো অস্ত্ৰ

উল্লেখ্য যে,অধিক তথ্যৰ বাবে চোৰাং চিকাৰীটোক সোধ পোছ অব্যাহত ৰাখিছে জিনজিয়া আৰক্ষীয়ে ৷ কাজিৰঙা ৰাষ্ট্ৰীয় উদ্যানত গড় হত্যা কৰিবলৈয়ে চিকাৰীটোৱে অস্ত্ৰ আনি ঘৰত মজুত কৰি ৰাখিছিল বুলি সন্দেহ কৰিছে আৰক্ষীয়ে ৷

লগতে পঢ়কঃ বকোত জব্দ তিনিখনকৈ কাঠভৰ্তি মিনি ট্ৰাক