নিৰ্বাচনী বিধি কেৰেপ নকৰে হিমন্তই!

বিশ্বনাথৰ বিহালীত 9 নং তেজপুৰ লোকসভা সমষ্টিৰ বিজেপি প্ৰাৰ্থী পল্লবলোচন দাসৰ হৈ নিৰ্বাচনী প্ৰচাৰ চলোৱাৰ উদ্দেশ্যে উপস্থিত হয় ডঃ হিমন্ত বিশ্ব শৰ্মা ৷ এখন চিকিৎসালয়ৰ আধাৰশিলা স্থাপনৰ কথা ঘোষণা কৰি নিৰ্বাচনী বিধি উলংঘা কৰে মন্ত্ৰীগৰাকীয়ে ৷

বিশ্বনাথ, 3 এপ্ৰিল: বিশ্বনাথৰ বিহালীত ডঃ হিমন্ত বিশ্ব শৰ্মাই নিৰ্বাচনী বিধি উলংঘা কৰি এখন চিকিৎসালয়ৰ আধাৰশিলা স্থাপনৰ কথাঘোষণা কৰিলে ৷ বুধবাৰে 9 নং তেজপুৰ লোকসভা সমষ্টিৰ বিজেপি প্ৰাৰ্থী পল্লবলোচন দাসৰ হৈ নিৰ্বাচনী প্ৰচাৰ চলোৱাৰ উদ্দেশ্যে বিহালীত উপস্থিত হয় হিমন্ত বিশ্ব শৰ্মা ।

NEGLIGENCE OF ELECTION RULE BY HIMANTA BISWA SHARMA

বিহালী কেলেটা চাহ বাগিচাৰ খেলপথাৰত অনুষ্ঠিত হোৱা নিৰ্বাচনী সভাত পল্লব লোচনক নিজৰ ভাই বুলি মন্তব্য কৰে আৰু কয় যে, বিহালীত এতিয়াৰে পৰা উন্নয়নৰ এক যাত্ৰা আৰম্ভ হ'ব ৷ এতিয়া যিহেতু পল্লবলোচন সাংসদ হ'ব সেয়েহে বিহালীলৈ এতিয়া তেওঁ সঘনে আহিব বুলিও মন্তব্য কৰে ৷

নিৰ্বাচনী বিধি উলংঘা কৰি বিহালী তিনিসুঁতিলৈ এখনি চিকিৎসালয় ঘোষণা কৰাৰ লগতে নিৰ্বাচনৰ পিছতেই আধাৰশিলা কাম আৰম্ভ হ'ব বুলি উল্লেখ কৰে ৷ এই সভাত তেওঁৰ সতে উপস্থিত থাকে মন্ত্ৰী ৰণজিৎ দত্ত আৰু বিজেপিৰ ৰাষ্ট্ৰীয় নেতৃবৰ্গ৷