কলিয়াবৰ/বিশ্বনাথ, 18 অক্টোবৰ: 75 বছৰ সম্পূৰ্ণ কৰিলে ৰাষ্ট্ৰীয় শিক্ষাৰ্থী বাহিনীয়ে (NCC) (75th years of NCC)৷ ৰাজ্যৰ বিভিন্ন প্ৰান্তত উদযাপন কৰা হৈছে ৰষ্ট্ৰীয় শিক্ষাৰ্থী বাহিনীৰ গৌৰৱোজ্জ্বল হীৰক জয়ন্তী (NCC 75th year celebrated in Assam) ৷
এই বিশেষ দিনটোৰ উপলক্ষে সোমবাৰে বিশ্বনাথত ফ'ৰ ক'ৰৰ মুৰব্বী লেফটেনেণ্ট জেনেৰেল ডি এচ ৰানাৰ (LT General D S Rana) উপস্থিতিত ফ্লেগ অফ কৰে নৌকা যাত্ৰাৰ (NCC 75th year celebrated in Biswanath)৷ মহাবাহু ব্ৰহ্মপুত্ৰত নাও চলাই দহ দিনৰ মুৰত ৰাষ্ট্ৰীয় শিক্ষাৰ্থী বাহিনীৰ কেডেট সকল উপস্থিত হ'বগৈ গুৱাহাটীৰ পাণ্ডু ঘাটত ( ৷ এই নৌকা যাত্ৰা ২৬ অক্টোবৰত অন্ত পৰিব৷ ব্ৰহ্মপুত্ৰৰ ১১ টাকৈ নৈৰ ঘাটক এই নৌকা যাত্ৰাই স্পৰ্শ কৰিব বুলি প্ৰকাশ কৰে ডি এচ ৰানাই ৷
উল্লেখ্য যে ২০১৯ চনত "লাচিত ১" নামেৰে ভাৰতীয় নৌ সেনাই ব্ৰহ্মপুত্ৰ নদীত চলোৱা নৌকা যাত্ৰাই ইতিমধ্যে লিমকা বুক অফ ৰেকৰ্ডছত (Limca Book of records) স্থান লাভ কৰিবলৈ সক্ষম হৈছিল ৷ "লাচিত ২" নামেৰে আজি আৰম্ভ হোৱা এই নৌকা যাত্ৰাৰ জৰিয়তে কেডেট সকলে দহ দিন ধৰি ব্ৰহ্মপুত্ৰত নৌকা চালনা কৰিব ৷ এই যাত্ৰাৰ বাবে তিনিখনকৈ নৌকা সজাই পৰাই তোলা হৈছে ৷
লগতে পঢ়ক: Raju Sahu slammed AIUDF: লোকসভা নিৰ্বাচন AIUDF দল বিগ জিৰ হ’ব: ৰাজু চাহু
আজি আৰম্ভ হোৱা এই নৌকা যাত্ৰাত অংশগ্ৰহণ কৰা কেডেট সকলে শিলঘাটত নিশাটো কটাই কাইলৈ পুনৰ যাত্ৰা আৰম্ভ কৰিব ৷ অনুষ্ঠানত লগতে উপস্থিত থাকে বিশ্বনাথৰ বিধায়ক প্ৰমোদ বৰঠাকুৰ, বিশ্বনাথ জিলা উপায়ুক্ত, বিশ্বনাথ জিলা আৰক্ষী অধীক্ষকে ধৰি সেনাৰ উচ্চ পদস্থ বিষয়া সকলৰ লগতে বিশ্বনাথ জিলাৰ উচ্চ পদস্থ বিষয়াসকল ৷
আনহাতে কলিয়াবৰতো উদযাপন কৰা হৈছে এই বিশেষ দিৱস (NCC 75th year celebrated at Kalibaor) ৷ বিশ্বনাথঘাটৰ নৌকা যাত্ৰীৰ দলটোৱে শিলাাটত জিৰণি লৈ মঙলবাৰে পুনৰ আৰম্ভ কৰে নৌকাযাত্ৰা ৷
লগতে পঢ়ক: PMKSK : কলিয়াবৰত প্ৰধানমন্ত্ৰীৰ ভাৰ্চুৱেলী মুকলি কৃষক সমৃদ্ধি কেন্দ্ৰ
