বিশ্বনাথ, 19 ছেপ্তেম্বৰঃ সেউজ বনানীকৰণ আঁচনিৰ নামত দুৰ্নীতিৰ ভূ-স্বৰ্গত পৰিণত হৈছে গহপুৰ ৷ দুৰ্নীতিৰ প্ৰতি শূণ্য সহনশীলতাৰ কথা কোৱা বিজেপি চৰকাৰখনৰ বিধায়ক উৎপল বৰাৰ সমষ্টিতেই 1 টা গছপুলিৰ মূল্য কাগজে কলমে হ’লগৈ 15 হাজাৰ টকা ৷
২০১৯-২০২০ বিত্তীয় বৰ্ষত পূৱ ছয়দুৱাৰ উন্নয়ন খণ্ডৰ দৌলগুৰিৰ বাসূদেৱ দৌলৰ চৌহদত MGNREGA আঁচনিৰ অধীনত প্ৰায় ৩ লাখ ৯৭ হাজাৰ গছপুলি ৰোপনৰ পৰিকল্পনা কৰা হৈছিল ৷ কিন্তু এই আঁচনিখন ৰূপায়ণত ব্যাপক দুৰ্নীতি সংঘটিত হোৱাৰ অভিযোগ সদৌ অসম ছাত্ৰ সন্থাৰ ৷ আঁচনিখনৰ নামত মাত্ৰ ২৬/২৭ টা গছপুলি ৰোপণ কৰিয়েই এংকাশ ঠিকাদাৰে সমগ্ৰ ধন আত্মসাৎ কৰা বুলি অভিযোগ উত্থাপন কৰিছে পূৱ ছয়দুৱাৰ আঞ্চলিক ছাত্ৰ সন্থাই ৷
আনহাতে,ছয়দুৱাৰ উন্নয়ণ খণ্ডৰ খণ্ড বিষয়াই আঁচনিখনত সংঘটিত এই দুৰ্নীতিৰ অভিযোগৰ পিছতেই আঁচনিখনৰ কাম স্থগিত ৰাখিছে ৷ এই দুৰ্নীতিৰ ক্ষেত্ৰত স্থানীয় বিধায়ক উৎপল বৰাৰ পদক্ষেপ হ’ব লক্ষণীয় ৷
লগতে পঢ়ক-সত্যৰঞ্জন বৰাৰ বিৰুদ্ধে সৰৱ দৰং জিলা সংখ্যালঘু সংগ্ৰাম পৰিষদ
