বিশ্বনাথ,২৭ মাৰ্চ: গহপুৰত চাঞ্চল্যকৰ ঘটনা । নদীত গা ধুবলৈ গৈ সন্ধানহীন দুগৰাকী কিশোৰ (Minor boy went missing in river) । সন্ধানহীন কিশোৰ দুজনৰ নাম বিশেষ দে আৰু দেৱ কুমাৰ গুপ্তা । ঘটনা সন্দৰ্ভত স্থানীয় ৰাইজ অৱগত হোৱাৰ লগে লগে হুৱাদুৱা লাগে সমগ্ৰ অঞ্চলটোত ।
ইতিমধ্যে দুইগৰাকী কিশোৰক বিচাৰি আৰম্ভ হৈছে উদ্ধাৰ অভিযান । উল্লেখ্য যে গহপুৰৰ বুৰৈ নৈত গা ধুবলৈ নামিছিল কিশোৰ দুজন । বুৰৈ নৈৰ গো-শালাত সংঘটিত এই অঘটন । সন্ধানহীন কিশোৰ দুজনৰ ঘৰ ডফলাগড়ৰ কেকুৰীজানত বুলি জানিব পৰা গৈছে ।
ইতিমধ্যে ঘটনাস্থলীলৈ NDRF ৰ দল উপস্থিত হৈ উদ্ধাৰ অভিযান আৰম্ভ কৰিছে যদিও বৰ্তমানেও কোনো শুং-সুত্ৰ পোৱা নাই । ইফালে কিশোৰ দুগৰাকীৰ পৰিয়ালত এতিয়া হাঁহাকাৰময় অৱস্থা ।
লগতে পঢ়ক: কাজিৰঙা ৰাষ্ট্ৰীয় উদ্যানৰ এনিমেল ক’ৰিডত চলা উচ্ছেদ সম্পৰ্কত উচ্চতম ন্যায়ালয়ৰ শুনানী