চতিয়া, ২৮ মে': বৃহস্পতিবাৰে নদুৱাৰ ৰাজহ চক্ৰৰ চক্ৰ বিষয়া প্ৰমুখ্যে কাননগু আৰু লাট মণ্ডলৰ উপস্থিতিত মুখ্যমন্ত্ৰী ড০ হিমন্ত বিশ্ব শৰ্মাৰ আহ্বান মৰ্মে চতিয়া সমষ্টিৰ জামুগুৰিহাটত চৰকাৰীভাৱে কন্টেইনমেন্ট জ’নত থকা পৰিয়ালসমূহক দুহাজাৰ টকীয়া একোটা খাদ্যৰ পেকেজ প্ৰদান কৰা হয় ।
জামুগুৰিহাটৰ বাঁহবৰীয়া গাঁৱত ৪৫ টাকৈ কন্টেইনমেন্ট জ’নত থকা পৰিয়ালসমূহক ১৫ কেজি চাউল, ২ কেজি দাইল, ২ লিটাৰ মিঠাতেল, ৫ কেজি আলু, ২ কেজি পিঁয়াজ, চয়াবিন, চেনি, চাহপাত, গাখীৰৰ পেকেট, বিস্কুট, কণীৰ প্লেট আদিকে ধৰি দুহাজাৰ টকীয়া এক খাদ্যৰ পেকেজ প্ৰদান কৰা হয় ৷
নদুৱাৰ ৰাজহ চক্ৰ বিষয়াৰ উপস্থিতিত বৃহস্পতিবাৰে স্থানীয় গাওঁবুঢ়া কিশোৰ হাজৰিকাৰ লগতে স্থানীয় যুৱকসকলৰ সহযোগত বাহবৰীয়া গাঁৱৰ কন্টেইনমেন্ট জ’নত থকা ৪৫ টা পৰিয়ালৰ মাজত এই খাদ্যৰ টোপোলাসমূহ বিতৰণ কৰা হয় ৷
লগতে পঢ়ক: মাধৱদেৱৰ জন্মজয়ন্তীত উকা হৈ ৰল ঢেকীয়াখোৱা বৰনামঘৰ
