বিশ্বনাথ,২৭ এপ্ৰিল: বিশ্বনাথ মহকুমা অসামৰিক চিকিৎসালয়ৰ পৰা সোমবাৰে নিশা প্ৰায় ৮ বজাত শ্যামল বৰুৱা(৩০) নামৰ এগৰাকী ক’ভিড আক্ৰান্ত ব্যক্তিয়ে চলাই পলায়নৰ চেষ্টা । অৱশ্যে, বিশ্বনাথ আৰক্ষী থানাৰ ভাৰপ্ৰাপ্ত আৰক্ষী বিষয়া দীপু বড়োৰ তৎপৰতাত আধা ঘণ্টাৰ ভিতৰতে পুনৰ ক’ভিড আক্ৰান্ত ব্যক্তি গৰাকীৰ সন্ধান উলিয়াই বিশ্বনাথ নগৰৰ পৰা আৰক্ষীয়ে নিজৰ জিম্মাত লৈ বিশ্বনাথ অসামৰিক চিকিৎসালয়ত চমজাই দিয়ে ৷
জানিব পৰা মতে, পলাতক লোকজন বিশ্বনাথৰ গহপুৰৰ হাৱাজানৰ নপমুৱাৰ বাসিন্দা । পলায়ন কৰা লোকজনে চিকিৎসালয়খনৰে চিকিৎসাধীন আন এগৰাকী ক’ভিড আক্ৰান্ত লোকৰ সৈতে কাজিয়া কৰি পলায়ন কৰা বুলি চিকিৎসালয় কৰ্তৃপক্ষই ব্যক্ত কৰে ।
লগতে পঢ়ক: পত্নীক হত্যা কৰি নদীত জপিয়াই পলায়নৰ চেষ্টা স্বামীৰ
