বিশ্বনাথ ৬ এপ্ৰিল : দুৰ্নীতি মুক্ত অসম গঢ়াৰ লক্ষ্যৰে ৰাজ্যত দুৰ্নীতিৰ বিৰুদ্ধে অব্যাহত আছে দুৰ্নীতি নিবাৰক শাখাৰ অভিযান ৷ অভিযানত ইজনৰ পিছত সিজন গ্ৰেপ্তাৰ হৈছে দুৰ্নীতিগ্ৰস্ত চৰকাৰী বিষয়া-কৰ্মচাৰী ৷ ক্ৰমাৎ দীঘলীয়া হৈছে গ্ৰেপ্তাৰ হোৱা দুৰ্নীতিগ্ৰস্ত চৰকাৰী বিষয়া-কৰ্মচাৰীৰ তালিকা ৷ কিন্ত তথাপিতো চকু মুকলি হোৱা নাই একাংশ বিষয়া-কৰ্মচাৰীৰ ৷ ৰাজ্যজুৰি দুৰ্নীতিৰ বিৰুদ্ধে অভিযান অব্যাহত থকাৰ পাছতো এতিয়াও টকাৰ খঁকুৱা এইসকল বিষয়া-কৰ্মচাৰীৰ গা লৰা পৰিলক্ষিত হোৱা নাই ৷
উৎকোচ লৈ হাত দঙাৰ প্ৰতিযোগিতাত পিছ পৰি নাথাকিল হাইস্কুলৰ কেৰাণীও ৷ এইবাৰ বিশ্বনাথত উৎকোচ লৈ হাত দাঙিলে হাইস্কুলৰ কেৰাণীয়ে ৷ দুৰ্নীতি নিবাৰক শাখাৰ জালত পৰিল বিশ্বনাথ ঘাটৰ ফকৰুদ্দিন আলি আহমেদ হাইস্কুল কেৰাণী আনোৱাৰ হুছেইন (High School Clerk detained for accept bribe) ৷
আজি প্ৰায় ১১.৩০ বজাত বিশ্বনাথ নগৰৰ পদপথত দুৰ্নীতি নিবাৰক শাখাৰ অভিযানত গ্ৰেপ্তাৰ কৰিবলৈ সক্ষম হয় আনোৱাৰ হুছেইন নামৰ বিদ্যালয়ৰ এই কেৰাণীজনক ৷ জানিব পৰা মতে বিশ্বনাথ ঘাটৰ ফকৰুদ্দিন আলি আহমেদ হাইস্কুলৰ শিক্ষক আবুল কাছেম যোৱা ২০২২ চনৰ মাৰ্চত বিদ্যালয়ৰ পৰা অৱসৰ গ্ৰহণ কৰিছিল ৷ কিন্তু শিক্ষকগৰাকীৰ পেঞ্চনৰ কাম কৰাৰ বাবদ বিদ্যালয়ৰখনৰ কেৰাণী আনোৱাৰ হুছেইনে অৱসৰ গ্ৰহণ কৰা শিক্ষক জনৰ পৰা ২২ হাজাৰ টকাৰ উৎকোচ দাবী কৰি আহিছিল ৷ যাৰ বাবে অৱসৰ গ্ৰহণ কৰা শিক্ষকগৰাকী কাষ চাপে দুৰ্নীতি নিবাৰক শাখাৰ (High School Clerk Caught taking bribe) ৷
ইফালে অৱসৰ গ্ৰহণ কৰা শিক্ষক গৰাকীয়ে আজি বিশ্বনাথ নগৰত কেৰাণী আনোৱাৰ হুছেইনক টকা দিয়াৰ কথাৰে আমন্ত্ৰণ কৰি দোকান এখনত দুয়ো আলোচনা কৰি আগধন হিচাপে ৫ হাজাৰ টকা উৎকোচ লোৱাৰ সময়তে দুৰ্নীতি নিবাৰক অনুসন্ধান শাখাই গ্ৰেপ্তাৰ কৰে কেৰাণী আনোৱাৰ হুছেইনক (High School Clerk detained over bribery charge) ৷
উল্লেখযোগ্য যে, ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই দুৰ্নীতিগ্ৰস্ত চৰকাৰী বিষয়া-কৰ্মচাৰীক বাৰম্বাৰ সকিয়নী প্ৰদান কৰি আহিছে যদিও, মুখ্যমন্ত্ৰীৰ সকীয়নিকো এতিয়া কেৰেপ নকৰা হৈছে একাংশ টকা খঁকুৱা ধুৰন্ধৰ চৰকাৰী বিষয়া-কৰ্মচাৰীয়ে (Clerk Caught Taking Bribe) ৷
লগতে পঢ়ক: Police officer caught taking bribe: এইবাৰ উৎকোচ লৈ জালত পৰিল স্বয়ং আৰক্ষী উপ-পৰিদৰ্শক
