বিহালী, 15 মে' : কৰ’ণা মহামাৰীয়ে বিশ্বজুৰি যি ভয়ানক পৰিস্থিতিৰ সৃষ্টি কৰিছে তাৰ প্ৰতি লক্ষ্য ৰাখি শনিবাৰে বিহালী সমষ্টিত এক জৰুৰী বৈঠক আহ্বান কৰা হয় । মোনাবাৰী গাওঁ পঞ্চায়তৰ সমুহীয়া ভৱনত অনুষ্ঠিত সভাত বিশ্বনাথ জিলাৰ উপায়ুক্ত, স্বাস্থ্য বিভাগৰ যুটীয়া সঞ্চালক, বিহালীৰ ৭খন চাহ বাগিছাৰ পৰিচালক, আটছা সভাপতি, বিশ্বনাথ শাখাৰ এ চি এম এছৰ বিষয়ববীয়া, আটছা বিহালী শাখাৰ বিষয়ববীয়া তথা পঞ্চায়ত আৰু জিলা পৰিষদৰ জনপ্ৰতিনিধিবৰ্গৰ সৈতে মিলিত হয় বিহালীৰ বিধায়ক গৰাকীয়ে ৷
অনাগত দিনত বাগিছাসমূহৰ শ্ৰমিক সকলৰ স্বাস্থ্যৰ প্ৰতি বিশেষ গুৰুত্ব দি তেখেত সকলক কিদৰে এই মহামাৰীৰ পৰা সুৰক্ষিত ৰাখিব পাৰি তাৰ কাৰণে পদক্ষেপ লবলৈ আলোচনা কৰা হয় । বিহালী সমষ্টিবাসী তথা সমূহ অসমবাসী ৰাইজে এই মহামাৰীৰ কালছোৱাত অতি সতৰ্কভাবে নিজকে আৰু নিজৰ পৰিয়ালক সুৰক্ষিত ৰাখিব লাগিব বুলি প্ৰাক্তন মন্ত্ৰী ৰঞ্জিৎ দত্তই মন্তব্য কৰে ৷
এই বৈঠকত বিধায়কে চাহ বাগিছাৰ সমূহ শ্ৰমিকক সজাগ কৰি মাস্ক, চেনিটাইজাৰৰ ব্যৱহাৰ আৰু সামাজিক দুৰত্বৰ প্ৰতি লক্ষ্য ৰাখিবৰ পৰিচালকক আহ্বান জনোৱা হয় ৷ আনহাতে সকলোৱে কৰ’ণাৰ প্ৰতিষেধকৰ সুবিধা গ্ৰহণ কৰিবৰ বাবেও কৈ কাৰোবাৰ জ্বৰ ,কাঁহ হলে শীঘ্ৰে পৰীক্ষা কৰিবৰ বাবে সকলোকে অনুৰোধ কৰে ৷
লগতে পঢ়ক : কোভাক্সিন উৎপাদনৰ ক্ষেত্ৰত কেন্দ্ৰীয় চৰকাৰক সমালোচনা পি চিদাম্বৰমৰ
