গহপুৰ, 7 জুনঃ শুকুৰবাৰে অসম চৰকাৰৰ স্বাস্থ্য মন্ত্ৰী তথা গড়কাপ্তানী মন্ত্ৰী ডাঃ হিমন্ত বিশ্ব শৰ্মা উপস্থিত হয় বিশ্বনাথ জিলাৰ বৰঙাবাৰী কল্যাণী দেৱালয়ত । উল্লেখযোগ্য যে, বিগত লোকসভা নিৰ্বাচনত 9 নং তেজপুৰ লোকসভা সমষ্টিৰ পৰা জয়ী হোৱা সাংসদ পল্লৱলোচন দাসৰ বাবে আশীৰ্বাদ বিচাৰি দিনৰ 11 বজাত উপস্থিত হয় বৰঙাবাৰী কল্যাণী দেৱালয়ত ।
আনহাতে, মন্ত্ৰী হিমন্ত বিশ্ব শৰ্মাই পূজা অৰ্চনা কৰি মন্দিৰ দেৱালয় উন্নয়ন বাবে অসম চৰকাৰে এক বৃহৎ আঁচনি গ্ৰহণ কৰা বুলি মন্তব্য কৰা লগতে 15 নং ৰাষ্ট্ৰীয় ঘাইপথৰ পৰা কল্যাণী দেৱালয় লৈ যোৱা পথ চোৱা সম্প্ৰসাৰণ কৰাৰ কথা উল্লেখ কৰে ।
ইয়াৰ পিচতে মন্ত্ৰী গৰাকীয়ে দেৱালয় পূজা অৰ্চনা কৰি দেৱালয়ৰ নিচেই কাষতে থকা ব্ৰহ্মপুত্ৰ নদীৰ পাৰ তথা গৰাখহনীয়া হোৱা স্থান সমুহ পৰিদৰ্শন কৰি গৰাখহনীয়া সমস্যা শীঘ্ৰে সমাধানৰ প্ৰতিশ্ৰুতি দিয়ে । মন্ত্ৰী গৰাকী লগত সংগ দিয়ে গহপুৰৰ বিধায়ক উৎপল বৰা আৰু সাংসদ পল্লৱলোচন দাসে ।
