বিশ্বনাথ ৬ছেপ্টেম্বৰ: বিশ্বনাথ জিলাৰ অন্তৰ্গত চতিয়া নাট্য ভৱনত আজি জেউতিয়ে গৰকা কৃষক উৎপাদনকাৰী কোম্পানী লিমিটেডৰ বাৰ্ষিক সাধাৰণ(Annual meeting of Farmer Producer Company)সভাখনি অনুষ্ঠিত হয় । উক্ত অনুষ্ঠানৰ সৈতে সংগতি ৰাখি যন্ত্ৰ ভাৰালৈ দিয়া কেন্দ্ৰটোৰ শুভ উদ্বোধন কৰা হয় ।
উক্ত সভাত মুখ্য অতিথি ৰূপে বিশ্বনাথ সমষ্টিৰ বিধায়ক প্ৰমোদ বৰঠাকুৰ(MLA Pramod Borthakur),ভাৰতীয় কিষাণ সংঘৰ(Bharatiya Kisan Sangh)সাংগঠনিক মন্ত্ৰী কৃষ্ণ কান্ত বৰা,বিশ্বনাথ জিলা কৃষি বিষয়া দীপক বাঢ়ৈ আৰু শোণিতপুৰ জিলা কৃষি বিষয়া পংকজ শইকীয়া উপস্থিত থাকে । তিনি শতাধিক কৃষকে অংশ গ্ৰহণ কৰা এই সভাত ভাৰতীয় কিষাণ সংঘৰ সাংগঠনিক মন্ত্ৰী কৃষ্ণকান্ত বৰাই যন্ত্ৰ ভাৰালৈ দিয়া কেন্দ্ৰটো উদ্বোধন কৰে ।
উল্লেখ্য় যে উক্ত ভাৰা দিয়া কেন্দ্ৰটোত মুঠ ৯বিধ যন্ত্ৰ উপলব্ধ । এই সভাতে জেউতিয়ে গৰকা কৃষক উৎপাদনকাৰী কোম্পানী লিমিটেড ২০২১-২২ৰ বাৰ্ষিক প্ৰতিবেদন গ্ৰহণ কৰা হয় । চতিয়া কৃষি খণ্ডৰ উন্নয়ন বিষয়া মানস জ্যোতি গগৈ,বিশ্বনাথ জিলা কৃষি বিভাগৰ বিভিন্ন বিষয়া সকল আৰু শোণিতপুৰ জিলা APARTৰ বিষয়ববীয়াসকল এই সভাত উপস্থিত থাকে ।
লগতে পঢ়ক:মহানগৰীত বনকৰা কিশোৰীৰ ৰহস্যজনক মৃত্যু
