বিশ্বনাথ, ৩১ অক্টোবৰ : ৰাজ্যত এতিয়া জুই চাই দাম আলু, পিয়াজৰ । প্ৰতি কিলোগ্ৰাম আলুৰ মূল্য ৪৫ পৰা ৫০ টকা আৰু প্ৰতি কিলো পিয়াজৰ মূল্য ৮০ পৰা ৮৫ টকা হৈছে গৈ ৰাজ্য বজাৰত ৷ একমাত্ৰ আলু-পিয়াজৰেই যে মূল্য বৃদ্ধি হৈছে সেইটো নহয়, অধিকাংশ অত্যাৱশ্যকীয় সামগ্ৰীৰ অভাৱনীয় ভাৱে মূল্য বৃদ্ধি ঘটিছে ৰাজ্যত । সম্পূৰ্ণ ৰূপে অত্যাৱশ্যকীয় সামগ্ৰী মূল্য বৃদ্ধি ৰোধ কৰা ক্ষেত্ৰত ব্যৰ্থ হৈছে চৰকাৰ । এই দাবী তুলি ৰাজ্যৰ বিভিন্ন ঠাইৰ লগতে বিশ্বনাথতো প্ৰতিবাদ সাব্যস্ত কৰে আম আদমী পাৰ্টীয়ে ৷
চৰকাৰৰ খনে যোৱা ৫ টা বছৰে কোনো নিবনুৱা সমস্যাৰ সমাধান নকৰাৰ অভিযোগ কোলে দলটোৱে ৷ শনিবাৰে এই সমস্যা সমুহ সমাধানৰ দাবীত আম আদমী পাৰ্টী, বিশ্বনাথ জিলা সমিতিয়ে এক প্ৰতিবাদী কাৰ্য্যসূচী ৰূপায়ন কৰে বিশ্বনাথ উপায়ুক্তৰ কাৰ্যালয় সন্মুখত । প্ৰতিবাদৰ পাচত বিশ্বনাথৰ উপায়ুক্তৰ জৰিয়তে অসমৰ মুখ্যমন্ত্ৰী লৈ এখন স্মাৰক পত্ৰ প্ৰেৰণ কৰে ।
লগতে পঢ়ক : সীমা বিবাদ সমাধানৰ ক্ষেত্ৰত গুৰুত্ব প্ৰদান কৰা নাই মিজোৰামে
