বিশ্বনাথ, ২৮ আগষ্ট : গহপুৰ পুৰুপবাৰীত ভয়ংকৰ দুৰ্ঘটনাৰ সংঘটনা সংঘটিত হয় (Gohpur road accident )৷ দেওবাৰে পুৱা আলট্ৰা বাছ আৰু আৰক্ষীৰ বলেৰ’ বাহনৰ মাজত মুখামুখি সংঘৰ্ষ হোৱাৰ ফলত 5 গৰাকী আৰক্ষী গুৰুতৰভাৱে আহত হয় (Police personals injured in bus accident) ৷
আজি ৰাজ্যজুৰি অনুষ্ঠিত হোৱা অসম চৰকাৰৰ তৃতীয় বৰ্গৰ নিযুক্তি পৰীক্ষাত পৰীক্ষাৰ্থী কঢ়িয়াই লৈ গৈছিল AS 07 C 7721 আলট্ৰা বাছখনে ৷ ইফালে পৰীক্ষা কেন্দ্ৰৰ কৰ্তব্যৰ বাবে আহি আছিল AS12 AB 8358 নম্বৰৰ আৰক্ষীৰ বলেৰ’ বাহনখন ৷
এই দুৰ্ঘটনাত ভাঙি চুৰমাৰ হৈ যায় আৰক্ষীৰ বলেৰ’ বাহনখন ৷ লগে লগে স্থানীয় লোকৰ সহায়েৰে গুৰুত্বৰভাৱে আহত আৰক্ষী সকলক চিকিৎসালয় লৈ প্ৰেৰণ কৰা হৈছে ৷ দুৰ্ঘটনাগ্ৰস্ত আৰক্ষীসকল বিশ্বনাথৰ বুলি জানিব পৰা গৈছে ৷
আনহাতে আলট্ৰা বাহনখনৰ পৰীক্ষাৰ পৰীক্ষাৰ্থী সকলক আনএখন বাহনত পঠিয়াই দিয়াৰ ব্যৱস্থা কৰে প্ৰশাসনে ৷
লগতে পঢ়ক: তেজপুৰ চহৰত গজৰাজৰ সন্ত্ৰাস
