জনীয়া,1 জুন: বাৰিষা অহাৰ লগে লগে ৰাজ্যবাসীলৈ আহে দুখৰ দিন ৷ কাৰণ প্ৰতিবছৰে প্ৰলংয়কাৰী বানে জুৰুলা কৰে ৰাজ্যবাসীক ৷ আজিলৈকে স্থায়ী সমস্যা নোহোৱা বান সমস্যাৰ লগত প্ৰত্যক্ষভাৱে যুঁজ দিবলৈ ডুবাৰু প্ৰশিক্ষণৰ ব্যৱস্থা কৰিছে বৰপেটা জিলা প্ৰশাসনে ৷ সোমবাৰে কলগাছিয়াৰ শওপুৰ প্ৰাথমিক বিদ্যালয় প্ৰাংগণত বৰপেটা জিলা দুৰ্যোগ আৰু প্ৰশমন প্ৰাধিকৰণৰ দ্বাৰা এক সজাগতামুলক সভাৰ আয়োজন কৰা হয় । জিলা উপায়ুক্ত তেজ প্ৰসাদ ভূষালৰ উপস্থিতিত বানৰ সময়ত ভয়াৱহ বিপদৰ পৰা কেনেকৈ বানাক্ৰান্ত উদ্ধাৰ হ'ব পাৰিব, সেই সন্দৰ্ভত বেকী নৈত বিভিন্ন ধৰণৰ কৌশল অৱলম্বন কৰি ৰাইজক সজাগ কৰা পৰিলক্ষিত হয় ।
এই অনুষ্ঠানটোত কলগাছিয়া ৰাজহ চক্ৰৰ চক্ৰ বিষয়া দীপাংকৰ কলিতা, জিলা তথ্য জনসংযোগ বিষয়া বিকাশ শৰ্মা, SDRF ৰ বিষয়া-কৰ্মচাৰীসকলৰ উপৰিও অঞ্চলটোৰ ভালে সংখ্যক লোক উপস্থিত থাকে । এনেধৰণৰ সজাগতাৰ জৰিয়তে বানৰ সময়ত ৰাইজ বহু পৰিমাণে উপকৃত হ'ব বুলি জিলা উপায়ুক্ত গৰাকীয়ে জানিবলৈ দিয়ে ।
লগতে পঢ়ক: শিৱসাগৰত মেঘ বিস্ফোৰণ
