বৰপেটা, ৬ ডিচেম্বৰঃ বৰপেটা চহৰত ৬ লক্ষাধিক টকাৰ লটাৰীৰ টিকটসহ আৰক্ষীয়ে আটক কৰিছে দুই অবৈধ লটাৰী ব্যৱসায়ী ৷ বৰপেটা সদৰ থানাৰ ভাৰপ্ৰাপ্ত আৰক্ষী বিষয়া তপন মেধিৰ নেতৃত্বত আৰক্ষীয়ে অভিযান চলাই অবৈধ লটাৰী ব্যৱসায়ী দুজনক আটক কৰে ৷
বৰপেটা চহৰৰ পাঁচআলি চ'কত লটাৰীৰ কাউন্টাৰত চলোৱা আৰক্ষীৰ এই অভিযানৰ সময়ত কেইবাজনো লোক পলাই সাৰিবলৈ সক্ষম হয় বুলিও আৰক্ষীয়ে জানিবলৈ দিছে ৷ আনহাতে আৰক্ষীয়ে জব্দ কৰে লটাৰী ব্যৱসায়ীত ব্যৱহৃত কিছু সামগ্ৰী ৷
উল্লেখ্য যে, সত্ৰনগৰী বৰপেটাত দীৰ্ঘদিন ধৰি খোদ আৰক্ষীৰ সন্মুখতে মুকলিকৈ চলি থকা অবৈধ শেষ নম্বৰৰ লটাৰীৰ বিৰুদ্ধে বৰপেটা সদৰ থানাৰ নৱ নিযুক্ত আৰক্ষী বিষয়াজনে চলোৱ অভিযানক চহৰবাসীয়ে আদৰনি জনাইছে ৷ বৰপেটা সদৰ থানাৰ ভাৰপ্ৰাপ্ত বিষয়াজনে শেষ নম্বৰৰ লটাৰীৰ বিৰুদ্ধে অভিযান অব্যাহত থাকিব বুলি জনাইছে যদিও এই অভিযান কিমান দিনলৈ চলিব সেয়া সক্ষণীয় হ'ব ৷
লগতে পঢ়ক: সেনাৰ পোছাক পৰিধান কৰি নাৰমাৰীত দুৰ্বৃত্তৰ লুটপাত
