টকাৰ লোভত স্বয়ং মাতৃয়ে নাৰী সৰবৰাহকাৰীৰ হাতত গতালে কন্যাক

যুৱতী দুগৰাকীক প্ৰথমে দিল্লীলৈ তাৰপাছত হাৰিয়ানাত ২১ হাজাৰ টকাত বিক্ৰী কৰা বুলি ইতিমধ্যে আৰক্ষীক স্বীকাৰোক্তি দিয়ে আটকাধীন যুৱকজনে ৷ পৰৱৰ্তী সময়ত হাৰিয়ানাৰ পৰা পলাই নিজ গৃহত উপস্থিত হৈ সমস্ত ঘটনা বিৱৰি কয় যুৱতীদ্বয়ে ৷

বৰপেটা, 26 জুলাইঃ বৰপেটাৰোড আৰক্ষী থানাৰ অন্তৰ্গত গামাৰীগুৰী গাঁৱৰ দুগৰাকীকৈ যুৱতীক চলিত বৰ্ষৰ মে মাহত হাৰিয়ানাত বিক্ৰী কৰে ইনজামাউল হক নামৰ এজন নাৰী সৰবৰাহকাৰীয়ে ৷ অতি দৰিদ্ৰ পৰিয়ালৰ হোৱা হেতুকে উক্ত এগৰাকী যুৱতীৰ মাতৃ জয়মনা খাতুনে যুৱতীদ্বয়ক ইটাৰভিটা গাঁৱৰ ইনজামাউল হকৰ হাতত গতাই দিয়ে৷

যুৱতী দুগৰাকীক প্ৰথমে দিল্লীলৈ তাৰপাছত হাৰিয়ানাত ২১ হাজাৰ টকাত বিক্ৰী কৰা বুলি ইতিমধ্যে আৰক্ষীক স্বীকাৰোক্তি দিয়ে আটকাধীন যুৱকজনে ৷ পৰৱৰ্তী সময়ত হাৰিয়ানাৰ পৰা পলাই নিজ গৃহত উপস্থিত হৈ সমস্ত ঘটনা বিৱৰি কয় যুৱতীদ্বয়ে ৷

হাউলীৰ ইনজামাউল হকক স্থানীয় ৰাইজে কৰায়ত্ত কৰি উত্তম মাধ্যম দি বৰপেটাৰোড আৰক্ষীক গতাই দিয়ে ৷ আৰক্ষীয়ে ঘটনাৰ তদন্ত কৰি এই কাৰ্যত জড়িত থকাৰ অভিযোগত মহিলাগৰাকীক আটক কৰে ৷ আটকাধীন ইনজামাউল হক আৰু জয়মনা খাতুনক শুকুৰবাৰে বৰপেটা জেল হাজোতলৈ প্ৰেৰণ কৰা হয় ৷