মৰাণ, ১ জানুৱাৰীঃ সদৌ অসম ছাত্ৰ সন্থাৰ আহ্বানত মৰাণ আঞ্চলিকৰ উদ্যোগত শ্বহীদৰ প্ৰতিকৃতিত বন্তি প্ৰজ্বলন ৷ বুধবাৰে সন্ধিয়া মৰাণ নগৰৰ ট্ৰেফিক পইণ্টৰ সমীপত নাগৰিকত্ব সংশোধনী আইন বিৰোধী আন্দোলনৰ পাঁচ গৰাকীকৈ শ্বহীদক শ্ৰদ্ধাঞ্জলি জনায় ৷ মৰাণৰ বিশিষ্ট নাগৰিক মানিক ৰাজকোঁৱৰে বন্তি প্ৰজ্বলৰে শ্ৰদ্ধাঞ্জলি অনুষ্ঠান মুকলি কৰাৰ পাছতে সমবেতসকলে সমূহীয়াভাৱে শ্ৰদ্ধাঞ্জলি জ্ঞাপন কৰে শ্বহীদ কেইগৰাকীক ৷
বৰপেটা, ১ জানুৱাৰীঃ বৰপেটাত পঞ্চ শ্বহীদক শ্ৰদ্ধাঞ্জলি ৷ বছৰটোৰ পহিলা দিনটোত শ্বহীদৰ প্ৰতি শ্ৰদ্ধাঞ্জলি জনাই জাতীয় অস্তিত্ব আৰু স্বাভিমান ৰক্ষাৰ সংকল্প গ্ৰহন ছাত্ৰ মুক্তি সংগ্ৰাম সমিতিৰ ৷ এই সংকল্পৰ জৰিয়তে নাগৰিকত্ব সংশোধনী আইন বিৰোধী আন্দোলনক অধিক গণতান্ত্ৰিক আৰু সংঘবদ্ধভাৱে আগবঢ়াই নিয়াৰো সংকল্প গ্ৰহন কৰে কৃষক মুক্তি সংগ্ৰাম সমিতিৰ ভাতৃ সংগঠনটোৱে ৷
জনীয়া, 1 জানুৱাৰীঃ ইংৰাজী নৱবৰ্ষৰ পহিলা দিনটোতে কলগাছিয়াত কৃষক মুক্তি সংগ্ৰাম সমিতি, ছাত্ৰ মুক্তি সংগ্ৰাম সমিতি আৰু কলগাছিয়াৰ ৰাইজে শ্ৰদ্ধাঞ্জলি জ্ঞাপন কৰে নাগৰিকত্ব সংশোধনী আইন বিৰোধী প্ৰতিবাদত শ্বহীদ হোৱা পাঁচ গৰাকীকৈ শ্বহীদক ৷ শ্ৰদ্ধাঞ্জলি অনুষ্ঠানত চৰকাৰৰ এই হিটলাৰি নীতিক সকলোৱে ধিক্কাৰ দিয়াৰ লগতে কোনো কাৰণতে কা মানি লোৱা নহ'ব বুলিও মন্তব্য কৰে ৷
