দুই সন্তানৰ মাতৃৰ আত্মহত্যা

বৰপেটাৰ কলগাছিয়াত এগৰাকী মহিলাৰ আত্মহত্যা ৷ দুটি সন্তানৰ মাতৃ ৰহিমন নেছা নামৰ মহিলাগৰাকীয়ে মৃত্যুৰ পূৰ্বে লিখি থৈ যায় এক চুইচাইড নোট ৷ এই ঘটনাৰ তদন্ত আৰম্ভ কৰিছে কলগাছিয়া আৰক্ষীয়ে ৷

জনীয়া,12 নৱেম্বৰ: বৰপেটাৰ কলগাছিয়া আৰক্ষী থানাৰ অন্তৰ্গত খাটাৰটাৰী গাঁৱত সংঘটিত হৈছে এক আত্মহত্যাৰ ঘটনা ৷ গাঁৱখনৰ বাসিন্দা তথা দুটি সন্তানৰ মাতৃ ৰহিমন নেছা নামৰ 26 বছৰীয়া মহিলাগৰাকীয়ে চিপ লোৱা অৱস্থাত উদ্ধাৰ হয় মৃতদেহ ৷ সাহানুৰ ৰহমান নামৰ ব্যক্তিগৰাকীৰ পত্নীয়ে ঘৰত কোনো নথকাৰ সুযোগত সন্তান দুটি শুই পৰাৰ পিছতে শোৱনী কোঠাত চিপ লৈ আত্মহত্যা কৰে ৷

বৃহস্পতিবাৰে পুৱা ঘটনাস্থলীত কলগাছিয়া আৰক্ষী থানাৰ ভাৰপ্ৰাপ্ত বিষয়া ভাস্কৰজোতি দাস উপস্থিত হৈ ঘটনাৰ তদন্ত আৰম্ভ কৰাৰ লগতে ঘটনাস্থলীৰ পৰা উদ্ধাৰ কৰে এক চুইচাইড নোট ৷

লগতে চাওকঃ ডুমডুমাৰ কৰ্দৈগুৰিত পথ মেৰামতি কৰিলে স্থানীয় ৰাইজে