জনীয়া,27 মাৰ্চ: বৰপেটা জিলাৰ বাঘবৰ বিধানসভা সমষ্টিৰ মহাজোঁটৰ প্ৰাৰ্থী শ্বেৰমান আলী আহমেদে পূৱ মইনবৰী আৰু পশ্চিম মইনবৰীত দুটাকৈ নিৰ্বাচনী প্ৰচাৰ কাৰ্যালয় উদ্বোধন কৰে । কাৰ্যালয় উদ্বোধনী সভাত শ্বেৰমান আলী আহমেদৰ লগতে বৰপেটা জিলা কংগ্ৰেছৰ সম্পাদক আমিৰুল ইছলাম খান, গুৱাহাটী উচ্চ ন্যায়ালয়ৰ অধিবক্তা নাছিৰ উদ্দিনে ভাষণ দিয়ে ।
সভাত শ্বেৰমান আলী আহমেদে বিগত দিনৰ কামৰ খতিয়ান দাঙি ধৰে । দীঘলীয়া ভাষণত বিধায়ক শ্বেৰমান আলী আহমেদে কোনো ব্যক্তি বা দল সম্পৰ্কে এটা শব্দও উচ্চাৰণ নকৰি কেৱল বিগত দিনৰ কাম খতিয়ান আৰু আগন্তুক দিনত কৰিবলগীয়া কাম সম্পৰ্কে আলোচনা কৰে ।
