নতুন নাট্য়বৰ্ষৰ শুভাৰম্ভণি কৰিলে ৰাজমুকুট থিয়েটাৰে

থিয়েটাৰৰ শুভাৰম্ভণিৰ লগতে ভ্ৰাম্যমানৰ জন্ম লগ্নৰ শিল্পী প্ৰমোদ ৰয়ক অচ্যুত লহকৰ বঁটা প্ৰদান

পাটাছাৰকুছি,19 আগষ্টঃ নাট্যনগৰী পাঠশালাত এতিয়া থিয়েটাৰৰ বতৰ ৷ দেওবাৰে পাঠশালাত নতুন নাট্যবৰ্ষৰ শুভাৰম্ভ কৰে ৰাজমুকুট থিয়েটাৰে ৷ আনুষ্ঠানিকভাৱে কালি নাট্যবৰ্ষ উদ্বোধন কৰি শুভাৰম্ভ কৰে সংগীত নাটক একাডেমী বঁটা প্ৰাপ্ত ৰামকৃষ্ণ তালুকদাৰে ৷ ইয়াৰ মাজতে ৰাজমুকুট থিয়েটাৰে কালি মঞ্চত প্ৰদান কৰে অচ্যুত লহকৰ সোৱঁৰণী বঁটা ৷ ভ্ৰাম্যমান থিয়েটাৰৰ জন্ম লগ্নৰ চিত্ৰশিল্পী প্ৰমোদ তালুকদাৰক প্ৰদান কৰা হয় অচ্যুত লহকৰ সোৱঁৰণী বঁটা ৷

বঁটা প্ৰদান কৰে অচ্যুত লহকৰৰ সহধৰ্মিনী কিৰণ লহকৰে ৷ স্বাভাৱিকতেই চৰকাৰী পক্ষৰ পৰা অৱহেলিত ভ্ৰাম্যমান থিয়েটাৰৰ জন্ম লগ্নৰ শিল্পী প্ৰমোদ ৰয়ে ৰাজমুকুট থিয়েটাৰৰ এনে পদক্ষেপৰ শলাগ লয় ৷ উল্লেখ্য যে,এই বৰ্ষৰ পৰা প্ৰতিবছৰে ৰাজমুকুট থিয়েটাৰে প্ৰদান কৰিব অচ্যুত লহকৰ সোৱঁৰণী বঁটা ৷ একেখন মঞ্চতে দেওবাৰে সম্বৰ্ধনা জনোৱা হয় কেইবাজনো বিশিষ্ট ব্যক্তিক ৷ ইয়াৰ পিছতেই নাট্যকাৰ ভাস্কৰ বৰ্মনৰ "বাক্যবান" নাটখন মঞ্চস্থ কৰি নাট্যদলটোৱে নতুন বছৰৰ পাতনি মেলে ।