বৰপেটা, ৫ ফেব্ৰুৱাৰী: শুকুৰবাৰে বৰপেটাৰ সৰুক্ষেত্ৰীত অনুষ্ঠিত বিজেপিৰ পৃষ্ঠাপ্ৰমুখ সন্মিলনীত ৰাইজৰ উপস্থিতিয়ে সমাগত বিধানসভা নিৰ্বাচনত সমষ্টিটোত পদুম নুফুলাৰ ইংগিত বহন কৰা পৰিলক্ষিত হ'ল ।
শুকুৰবাৰে বৰপেটা জিলাৰ সৰুক্ষেত্ৰী সমষ্টিৰ বনিয়াকুছিত অনুষ্ঠিত বিজেপিৰ পৃষ্ঠাপ্ৰমুখ সন্মিলনত উপস্থিত থাকি মন্ত্ৰী চন্দ্ৰমোহন পাটোৱাৰীয়ে খালী চকী সমূহকে সম্বোধন কৰি ভাষণ প্ৰদান কৰিব লগীয়া পৰিস্থিতি উদ্ভৱ হোৱাৰ পাছতে সমাগত নিৰ্বাচনত সমষ্টিটোত বিজেপিৰ ফলাফল সন্তুষজনক হ'ব নে নহয় তাক লৈ ৰাইজৰ মাজত চৰ্চা চলা পৰিলক্ষিত হৈছে ।
জানিব পৰা মতে উক্ত সন্মিলনীৰ বাবে বিভিন্ন প্ৰলোভন দি পুৰুষ আৰু মহিলা সকলক নিমন্ত্ৰণ জনোৱা হৈছিল যদিও মন্ত্ৰীয়ে ভাষণ প্ৰদান কৰাৰ সময়ত মঞ্চৰ সন্মুখত খালী চকীৰ শাৰী দেখিবলৈ পোৱা গ'ল । উল্লেখ্য যে, উক্ত সন্মিলনীত মন্ত্ৰীগৰাকীয়ে বিজেপি দলৰ প্ৰাৰ্থী প্ৰক্ষেপৰ আহ্বান জনায় ।
লগতে পঢ়ক: অসমত কংগ্ৰেছৰ নেতৃত্বত চৰকাৰ গঠন হোৱাটো নিশ্চিত: ৰকিবুল হুছেইন
