জনীয়া,17 ছেপ্তেম্বৰঃ হাউলী নগৰ সমিতিৰ দায়িত্বত থকা অতিৰিক্ত উপায়ুক্ত নৱজিৎ পাঠকৰ বিৰুদ্ধে সংবাদমেল অসম সংখ্যালঘু সংগ্ৰাম পৰিষদৰ ৷ বৃহস্পতিবাৰে জনীয়াত অসম সংখ্যালঘু সংগ্ৰাম পৰিষদে এখন সংবাদমেল সম্বোধন কৰি বিগত 7 মাহে হাউলী নগৰ সমিতিৰ দায়িত্বত থকা অতিৰিক্ত উপায়ুক্ত নৱজিৎ পাঠকে ষড়যন্ত্ৰমূলক ভাবে প্ৰমানপত্ৰ প্ৰদানৰ কাম বন্ধ কৰি ৰাখিছে বুলি অভিযোগ কৰে সংগঠনটোৱে ৷
অসম সংখ্যালঘু সংগ্ৰাম পৰিষদৰ বৰপেটা জিলা সমিতিৰ সভাপতি ইব্ৰাহিম আলী আৰু কেন্দ্ৰীয় সমিতিৰ সাধাৰণ সম্পাদক মোৱাজ্জেম হুছেইনে সংবাদমেলৰ জৰিয়তে অতিশীঘ্ৰে হাউলীত স্থায়ী বাসিন্দাৰ প্ৰমাণ পত্ৰ প্ৰদান কৰিবলৈ দাবী জনায় ।
উল্লেখযোগ্য যে,পাৰপত্ৰ,পানকাৰ্ড, ড্ৰাইভিং লাইচেন্স, আধাৰ কাৰ্ড, পি এম এ ৱাই, বেংক একাউন্ট, পি আৰ চি, ছাত্ৰ বৃত্তি, নামভৰ্তিকৰণ আদিৰ ক্ষেত্ৰত হাউলীবাসী ৰাইজৰ স্থায়ী বাসিন্দাৰ প্ৰমাণ পত্ৰৰ প্ৰয়োজন হোৱাত এতিয়া হাহকাৰ পৰিস্থিতিৰ সৃষ্টি হৈছে হাউলীবাসীৰ ৷
