বৰপেটা,27 মে’: কৰ’ণা ৰোধৰ বাবে ৰাজ্যৰ প্ৰশাসনে জাৰি কৰিছে সান্ধ্য আইন তথা মিনি লক ডাউন ৷ তাৰ মাজতেই হাউলী আৰক্ষীৰ অভিযানত জব্দ এটা হস্তনিৰ্মিত পিষ্টল ৷ পিষ্টলসহ আৰক্ষীয়ে আটক কৰে আব্বাছ আলী নামৰ এজন যুৱকক ৷ আনহাতে, গাড়ী চুৰি চক্ৰৰ সৈতে জড়িত মিজানুৰ ৰহমান নামৰ আন এজন অভিযুক্তক গ্ৰেপ্তাৰ কৰে আৰক্ষীয়ে ৷
প্ৰাপ্ত তথ্য অনুসৰি, গাড়ী চুৰি সংক্ৰান্তীয় এক অভিযোগত হাউলী আৰক্ষীয়ে কলগাছিয়াত অভিযান চলাই মিজানুৰ ৰহমানক গ্ৰেপ্তাৰৰ পিচতেই ৰহমানৰ স্বীকাৰোক্তিৰ ভিত্তিত আৰক্ষীয়ে বৃহস্পতিবাৰে হাউলীত আব্বাছ আলীক হস্তনিৰ্মিত পিষ্টলসহ গ্ৰেপ্তাৰ কৰে ৷
