পাটাছাৰকুছি,৫ এপ্ৰিলঃ সম্প্ৰতি কৰ’ণা মহামাৰীৰ উপৰিও বজালী আৰু বাক্সা জিলাত বিভিন্ন উৰা বাতৰিয়ে শংকিত কৰিছে জনসাধাৰণক ৷ ফলত এক অভাৱনীয় পৰিস্থিতিৰ সৃষ্টি হৈছে অঞ্চল সমূহত ৷ বিষয়টোৰ প্ৰতি লক্ষ্য ৰাখি বাক্সা জিলাৰ শালবাৰী মহকুমাৰ অন্তৰ্গত প্ৰায় 15 টা ধৰ্মীয় অনুষ্ঠানৰে এক বিশেষ সভাত মিলিত হয় শালবাৰী মহকুমা প্ৰশাসন ৷ সভাত উক্ত অঞ্চললৈ নিজামউদ্দিনৰ পৰা অহা কোনো লোক থাকিলে শীঘ্ৰে প্ৰশাসনক খবৰ দিবলৈ নিৰ্দেশ জাৰি কৰে মহকুমাধিপতিগৰাকীয়ে ৷
উৰা বাতৰিৰ বিৰুদ্ধে সষ্টম প্ৰশাসন
আনহাতে, বৃহত্তৰ অঞ্চলটোৰ পৰা সমগ্ৰ বৰপেটা জিলালৈ শাক-পাচলি পঠিওৱাক কেন্দ্ৰ কৰি সৃষ্টি হোৱা উৰাবাতৰিত ভোল নাযাবলৈ সভাখনৰ দ্বাৰা ৰাইজক আহ্বান জনোৱা হৈছে ৷ তদুপৰি,শাক-পাচলি বিক্ৰীৰ ক্ষেত্ৰত কোনো নিষেধাজ্ঞা নাই বুলি স্পষ্ট কৰে শালবাৰী মহকুমা প্ৰশাসনে ৷
লগতে চাওকঃ লকডাউনৰ ফলত ভয়ানকভাৱে ক্ষতিগ্ৰস্থ দাৰ্জিলিং চাহ উদ্যোগ
